“Өвөл, хаврын улирлын хурдан морины уралдааны тухай” Засгийн газрын 2018 оны 19-р тогтоолоор тавдугаар сарын 1-ий өдрийг хүртэл 12 нас хүрээгүй хүүхдээр хурдан морь унуулахгүй байхыг сануулсан албан бичгийг Засгийн газрын хэрэг эрхлэх газрын дарга Г.Занданшатар аймаг, нийслэлийн Засаг дарга нарт хүргүүлжээ.

Энэхүү албан бичигт “Өвөл, хаврын улирлын хурдан морины уралдааны тухай “Засгийн газрын 2018 оны 19-р тогтоолоор, өвлийн улирал болон жил бүрийн хаврын тэргүүн сарын шинийн 3-ны өдрөөс тавдугаар арын 1-ний өдрийг хүртэлх хугацаанд 12 хүртэлх насны хүүхдээр хурдан морь унуулахыг хориглосон”-ыг сануулсан байна. Мөн энэхүү сануулгыг Хөдөлмөр, нийгэм хамгааллын сайд С.Чинзориг, ХЭҮК-ын дарга Ж.Бямбадорж, Гэр бүл, хүүхэд, залуучуудын хөгжлийн газрын дарга О.Алтансүхэ, “Монголын морин спорт, уяачдын холбоо” ТББ-ын ерөнхийлөгчийн орлон гүйцэтгэгч М.Мөнхбаясгалан нарт хүргүүлж, хэрэгжүүлж ажиллахыг үүрэг болгожээ.