Жүдо бөхийн насанд хүрэгчдийн улсын аварга шалгаруулах тэмцээн өнөөдөр Сэлэнгэ аймагт өндөрлөлөө. Энэ жилийн УАШТ-д цөөнгүй үндэсний бөхчүүд барилдсан. Тэгвэл “Таван Богдын бүргэдүүд” дэвжээний бөх, улсын начин Бердимумаратын Серик -100 кг-ын жинд түрүүлж улсын аварга болжээ. Тэрбээр 2017 онд улсын их баяр наадамд улсын харцага Т.Баасанхүүгээр таван давж, улсын цолонд хүрч байсан юм.

Б.Серик энэ жилийн жүдо бөхийн УАШТ-ийг сонирхолтой болгож, улсын аварга хэмээх эрхэм цолтойгоор шилдгүүдийн эгнээнд багтав. Хэдийгээр хоёр жилийн өмнө хүрэл медаль хүртэж байсан ч энэ жил аварга болж, томоохон тэмцээнд өрсөлдөх боломжоо нээлээ.

Мөн +100 кг-ын жинд “Эрч”-ийн О.Цэцэнцэнгэл аварга болж, хүнд жинд шинэ аваргууд төрөн гарлаа.

Энэ жилийн УАШТ-д олимпийн хүрэл, дэлхийн аварга Х.Цагаанбаатар 90 кг-ын жинд барилдаж, мөнгөн медаль хүртсэн юм.

Тэмцээний дүнг танилцуулья:

Эмэгтэй 70 кг

1. Ц.Батцэцэг /Эрч/
2. А.Оюунгэрэл /Хангарьд/
3. С.Лхагвадулам /Сүлд/
4. М.Даваасүрэн /Боржин/

-78 кг

1. О.Мөнхцэцэг /Сүлд/
2. Ш.Сэржмядаг /Алдар/
3. Б.Сайнбуян /Хүч/
4. Г.Долгорлхам / Сүлд /

+78 кг

1. Э.Гандиймаа /Хилчин/
2. А.Адьяасүрэн /Хүч/
3. Б.Мөнхтуяа /Хилчин/
4. М.Ууганжаргал /Женко/

Эрэгтэй 81 кг

1. О.Ууганбаатар /Сүлд/
2. Б.Гаажадамба /Женко/
3. Б.Алтансүх /Хурд/
4. Ц.Жанлавцогзол /ДЛЖ/

90 кг

1. Э.Мөнхжаргал /Сүлд/
2. Х.Цагаанбаатар /Эрч/
3. Д:Сандуйжав /Алдар/
4. Н.Баатархүү /Эрч/

-100 кг

1. Б.Серик /Сүлд/
2. Д.Цэрэнням /Хилчин/
3. Г.Алтанбагана /Алдар/
4. Г. Түвшинжаргал /Хилчин/

+100 кг

1. О.Цэцэнцэнгэл /Эрч/
2. Б.Тэмүүлэн /Женко/
3. С.Бат-Орших /Жүдо академи/
4. Х.Цогтгэрэл /Алдар/

УАШТ-ий шилдэг эрэгтэй жүдочоор ШШГЕГ-ын "Сүлд" спорт хорооны тамирчин Эрдэнэхүүгийн Мөнхжаргал, шилдэг эмэгтэй жүдочоор Баянхонгор аймгийн тамирчин "Буэнос Айрес-2018" хүүхдийн олимпийн наадмын мөнгөн медальт Лхагвасүрэнгийн Сосорбарам нар тодорчээ.