Гэрээсээ зугтсан араб охинд дүрвэгчийн статус олгожээ | News.MN

Гэрээсээ зугтсан араб охинд дүрвэгчийн статус олгожээ

Хуучирсан мэдээ: 2019.01.09-нд нийтлэгдсэн

Гэрээсээ зугтсан араб охинд дүрвэгчийн статус олгожээ

Гэрээсээ зугтсан араб охинд дүрвэгчийн статус олгожээ

Исламын шашны хавчлага мөрдлөг болон гэр бүлийн хүчирхийллээс зугтан эх орноо орхисон Саудын Арабын 18 настай охин Бангкокийн нисэх онгоцны буудалд саатаж, гуравдагч орноос орогнол хүссэн нь энэ долоо хоногийн олон улсын анхаарлыг татсан гол мэдээллүүдийн нэг болоод байв. Харин өчигдөр /2019.01.08/ түүнд НҮБ-ээс дүрвэгчийн статус олгожээ.

Аль-Күнүн  Саудын Арабаас Австрали руу нисэх зорилготой байсан ч эхлээд Тайланд руу очихоор шийджээ. Гэвч Бангкокийн нисэх онгоцны буудал дээр ирээд виз хүсэх өргөдөл гаргах үед нь түүнийг бичиг баримтын зөрчилтэй гэж үзэн эцэг эхийнх нь амьдардаг Кувейт улс руу буцаахаар шийдвэрлэсэн байна. Тиймээс Кувейт руу явах дараагийн нислэг хүртэл нисэх буудлын транзит зочид буудалд байрлуулж байсан ч тэрбээр явахаас татгалзан, өрөөнийхөө хаалгыг дотроос нь түгжиж, эсэргүүцэл үзүүлсэн тухай бид өмнө нь мэдээлсэн билээ.

Рахаф Мухаммед Мутлак ал-Күнүн Даваа гаригт /2019.01.09/ өөрийн Твиттер хуудсандаа дүрвэгчийн статус олж авах хүсэлтэй байгаа, мөн исламын шашнаас болон өөрийг нь байнга хүчирхийлэн, тамладаг гэр бүлээсээ зугтахад нь туслах ямар ч орон руу явахад бэлэн байгаагаа бичиж байв. Тэрбээр гэрээсээ зугтахын өмнө үсээ дур мэдэн тайрснаас болж хагас жилийн турш гэртээ түгжигдэн, хорионд байсан талаараа мөн ярьжээ.

Түүний нөхцөл байдлыг харгалзан үзээд Тайландын эрх баригчид тав хоног Бангкокт орогнох зөвшөөрлийг олгосон бөгөөд энэ хугацаанд НҮБ-ийн төлөөлөгчид түүнтэй ирж уулзсаны эцэст дүрвэгчийн статус олгохоор болсон байна. Рахаф Мухаммед Мутлак ал-Күнүнийг эх орондоо буцаж очвол амь насанд нь аюул учирна хэмээн үзсэн тул ийм шийдвэр гаргажээ. Учир нь Саудын Арабын хуулийн дагуу исламын шашнаас урвасан тохиолдолд цаазаар авах ялтай байдаг аж.

Түүнийг Австрали улс хүлээн авах боломжтой эсэхийг НҮБ-аас асуусан бөгөөд Австралийн дотоод хэргийн яамнаас “удахгүй хариу өгнө” гэв.

Аль-Күнүний аав, ах хоёр нь Тайландад ирсэн ч тэрбээр уулзахаас татгалзсан байна.

Эх сурвалж: ВВС

 

Энэ мэдээнд өгөх таны сэтгэгдэл?
5
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2019-01-09 139.5.216.148

Ene baatarlag ohind nobeoiin shagnal ogoh heregtei

Avatar

Bold o 2019-01-09 223.38.23.194

Laliin shashinaas garval tsaaziin yaltai ene arai heternee

Avatar

Ovgon 2019-01-09 103.212.118.100

Jinhene baatarlag ohin bna, tamaas zugtaj erh choloo ruu temuulsen islamiin shashint ornuud dah emegteichuuded ulger duurail boloh boltugai.

Avatar

Zochin 2019-01-09 103.212.118.100

Islamiin shashin ter mulguu muhamediinhaa hoinoos sonotugei

Avatar

зочин 2019-01-09 202.9.43.166

лалууд дандаа хүчирхийлнээ

Avatar

Зочин 2019-01-09 2.136.17.240

https://www.aljazeera.com/amp/news/2019/01/unhcr-investigates-rahaf-alqanun-case-asylum-190108072739500.html?__twitter_impression=true гэр булийн провлем шашин ямар ч хамаагуй

Avatar

Зочин 2019-01-09 146.115.163.21

ПРОВЛЕМ хихи

Avatar

Зочин 2019-01-09 2.136.17.240

Шашин ямар падлий байнаа иймэрхуу галзуу юм б** бичээч.гэр булийн асуудал л гэсэн байна лээ

Avatar

ХЭХЭ 2019-01-09 64.119.26.180

ХЭХЭ ЯРЬДАГ ХОШНОГО МИНЬ ГЭР БҮЛИЙН АСУУДАЛ ГЭЖ ЯМАР ХОШНОГО БАЙДАГ ЮМ ЛАЛАРАА

NewsMN Гар утасны хувилбар Татах
NEWS.mn

Мэдээллийн эх сурвалж