Д.Дамба-Очир гишүүн бусадтайгаа барьцав | News.MN

Д.Дамба-Очир гишүүн бусадтайгаа барьцав

Хуучирсан мэдээ: 2019.01.09-нд нийтлэгдсэн

Д.Дамба-Очир гишүүн бусадтайгаа барьцав

Д.Дамба-Очир гишүүн бусадтайгаа барьцав

УИХ-ын нэр бүхий дөрвөн гишүүний бүрэн эрхийг түдгэлзүүлэх хүсэлтийг Улсын ерөнхий прокурор тавьсны дотор УИХ-ын Эдийн засгийн байнгын хорооны дарга Д.Дамба-Очир багтсан. Тэрбээр хэвлэлийнхэнд өнөөдөр тайлбар хийх үеэрээ “30 гаруй гишүүнд тойргоос нь ЖДҮХС-гийн зээлтэй холбоотой хүсэлт ирсэн. Надад ч бас хүсэлт ирж, бичиг хийж өгч, тэр хүнээ дэмжсэн. Надтай холбоогүй хүн. Авлигатай тэмцэх газраас гишүүдийг бүгдийг нь дуудаж, асуусан. Яагаад бүгдэд нь адилхан бичиг хийж өгсөн байхад миний тухай бичиг оруулж ирж байгааг би үнэндээ ойлгохгүй байна” гэсэн тайлбар хийв.

Үнэхээр хуулийнхан УИХ-ын гишүүдэд алагчилж хандсан бол Д.Дамба-Очир гишүүн барьцах нь зөв. Тэр тусмаа хамаарал бүхий компани нь ЖДҮХС-гаас зээл авсан, түүгээрээ мөнгө угаасан нөхдүүдийн асуудлыг оруулж ирээгүй хэрнээ тойргийнхоо хүний хүсэлтийг шийдэж өгөх ямар боломж байна вэ гэдэг албан бичиг хийж өгснийхөө төлөө буруудаж буй бол ёстой аавын хүүг алаг үзсэн хэрэг болно л доо. Гэтэл цаад хүнийх нь зээл бүтээд авсан байлаа гэхэд зориулалтын дагуу ашиглаагүй бол яах вэ. Хуулийнхан энэ бүхнийг мухарлахын тулд шалгахаас аргагүй. Харин баттай нотолгоогүйгээр Д.Дамба-Очир гишүүнд бусдаас нь өөрөөр хандаж, бүрэн эрхийг нь түдгэлзүүлэн шалгах хүсэлт тавигдсан бол процессын алдаа гаргасан хуулийн хүн нь хариуцлагаа хүлээж таарна. Процессын тухай хуульд энэ бүхнийг тусгаж өгсөн нь одоо хэрэгжиж байна. Иймээс Д.Дамба-Очир гишүүн бусадтайгаа барьцсан нь зөв байсан уу, буруу байсан уу гэдэг нь хэргийг нягтлан шалгасны эцэст л илүү тодорхой болно гэсэн үг юм.

Г.ХОРОЛ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Сайн барьц. Бүгдэд адил хандах хэрэгтэй 2019-01-09 45.117.35.14

Зөвш дээ. Өөртөө саад болсон таалагдахгүй хүмүүсээ улс төрийн зорилгоор АТГ шүүх прокурор цагдаагаар далайлгаж нэр хүндэд халдаж дараа нь сэтгүүлчид нэртэй улай үзсэн хэрээ шиг заригийн хүүхэн eagle ийн Отгон цензур мэтээр дамжуулан захиалгат мэдээ өгч бүх өмнөх үүх түүх гэр бүл үр хүүхэд рүү дайрна. Сэтгүүлчид нь сонгуулиас өмнө нэр хүнд олчих санаатай хүний мууд дурлаж шүүхийн өмнөөс хүнийг яллаад нь тэнэгтээд сошиалд хүмүүсийг баллаж өгнө. Тэднийг өөгшүүлж байгаа нь хэдэн хөлсний комментчид.

Avatar

Зочин 2019-01-09 202.21.106.146

Зөв ш дээ. ЖДҮ-чин гээд л зөндөө олон хүнийг яриад л байсан. 4 -ийг нь оруулж ирлээ .

Avatar

Зочин 2019-01-09 64.119.17.64

Наадах чинь ойлгомжтой байна ш дээ. Өөрийнх нь тойргоор гүйгээд байгаа Дамба-Очирыг Наранхүү Ми ахаараа л"Зуулгачихсан" гэдэг орчуулгагүй харагдажбайна. Маргааш огцрох Ми "Үхэхдээ үхэр буугаа" Хүүкийг өмөөрөн урвасан Дамба-Очир луу тавьлаа

Avatar

Зочин 2019-01-09 202.131.233.214

molgi-ochir, tam-ochir geed toochood barahgui olon gunshintai hundee. nugel nudeeree l garch baigaa yum bolov uu daa

NewsMN Гар утасны хувилбар Татах
NEWS.mn

Мэдээллийн эх сурвалж