Английн аварга “Манчестер Сити” клуб өнгөрсөн шөнө “Барса”-гийн талбайд зочилж, 1:0-ээр хожигдсоноор Аваргуудын лигийг орхилоо. Тэгвэл энэ тоглолтын дараа тус клубын дасгалжуулагч Мануэль Пеллегрини өөрийн байр сууриа хуваалцжээ.

Тэрбээр “Дэлхийн хамгийн шилдэг багт хожигдлоо.  Мессиг хамгаалах үнэхээр хэцүү.  Эхний хагаст манай баг муу байсан байж магадгүй. Харин хоёрдугаар үед сайн байж, эрсдэлтэй алхам олныг хийсэн.  Бидэн хоёр гоол хэрэгтэй байсан үеэд Аугэро торгуулын цохилтоо алдах ёсгүй байсан.  Энэ бол хамгийн чухал мөч байсан, яагаад гэвэл тэр гоол орсон бол бидэнд дахиад 15 минут байсан шүү дээ.

Бид “Барса”-гийн эсрэг дөрвөн тоглолт хийхдээ бүгдэд нь өөр өөр схем ашигласан. Асуудал тактиктаа байгаа юм биш, манай багийн тоглолтын төвшинд байна.  Бүх тоглогчид Аваргуудын лигийн дараагийн шатанд шалгарахыг хүсч байсан. Бид Европт илүү сайн тоглох хэрэгтэй байна.  Уг нь бид плей-офф шатанд шалгарч чадсан. Харамсалтай нь сугалаанд азгүй байж, “Барса”-тай таарчихсан болохоос биш” хэмээн ярьжээ.

Эх сурвалж: www.mminfo.mn