Японы мэргэжлийн сумо бөхийн нагоя башёгийн тав дахь өдрийн барилдаан өнөөдөр болох билээ. Макүүчи буюу дээд зиндаанд зодоглож буй манай 10 бөх тав дахь өдрийн барилдаанд хэнтэй барилдахаар оноолт таарсан талаар танилцуулъя.
Хамгийн нэр хүндтэй гэгддэг зүүн жигүүрийн тэргүүн манлайд бичигдсэн их аварга Хакухо М.Даваажаргал өнөөдөр баруун жигүүрийн маэгаширагийн хоёр дахь бөх Аминишикитэй барилдахаар оноолт таарчээ. Мөн өнөөдөр Кёкүтэнхо Н.Цэвэгням /М3/ озэки Барутотой барилдах бол Асасэкирюү Б.Дашням /М1/ озэки Харумафүжи нарын манай хоёр сумоч хоорондоо барилдахаар учраа таарсан байна. Манай бусад бөхчүүдийн тухайд комүсүби Хакуба А.Өнөржаргал Арантай, Токитэнкү А.Хүчитбаатар /М3/ Ёшиказэтай, Какурюү М.Ананд /М6/ Какизоэтэй, харин Шотэнро Д.Нямсүрэн /М16/ Коккайтай тус тус барилдана. Мөн өнөөдрийн барилдаанд Моконами Г.Базарсад /М10/, Тамаваши Б.Мөнх-Оргил /М14/ нарын манай хоёр бөх хоорондоо барилдахаар оноолт таарсан байна.

С.Цэлмэг