Осолдсон иргэдийг нисдэг тэргээр Улаанбаатарт авчирна | News.MN

Осолдсон иргэдийг нисдэг тэргээр Улаанбаатарт авчирна

Хуучирсан мэдээ: 2019.01.09-нд нийтлэгдсэн

Осолдсон иргэдийг нисдэг тэргээр Улаанбаатарт авчирна

Осолдсон иргэдийг нисдэг тэргээр Улаанбаатарт авчирна

Улаанбаатар хотоос Замын-Үүд чиглэлд 45 зорчигчтой явж байсан “Юниверс” загварын автобус өчигдөр /2019.01.08/ 06.00 цагийн орчим Замын-Үүд рүү орох төв хаалгыг мөргөж, ноцтой осол гаргасан. Ослын улмаас 37 хүн бэртэж гэмтсэн бол 60 настай эмэгтэй Я, автобусны жолооч 30 настай эрэгтэй Б нар автомашины төмөр хийцэд хавчуулагдаж амиа алджээ.

Автобусанд зорчиж явсан 45 хүнийг тус сумын эмнэлэгт аваачиж, эмнэлгийн тусламж үзүүлсэн байна. Тэднээс биеийн байдал нь хэвийн зургаан иргэнийг эмнэлгээс гаргаж, биеийн байдал хүнд байгаа хоёр хүн тус эмнэлэгт эмчлүүлж байна.

Хөнгөн гэмтэлтэй 37 иргэнд анхан шатны эмнэлгийн тусламж үзүүлсний дараа галт тэргээр өнөөдөр /2019.01.09/08.45 цагт Улаанбаатарт авчирчээ.

Онцгой байдлын ерөнхий газар, Гэмтэл согог судлалын үндэсний төв, Зэвсэгт хүчний 303 дугаар ангийн нисэх багийн бүрэлдэхүүний хамтарсан шуурхай ажлын хэсэг биеийн байдал хүнд байгаа хоёр иргэнийг Улаанбаатар хотод тээвэрлэн авчрахаар Зэвсэг хүчний 303 дугаар ангийн МИ-171Е загварын нисдэг тэргээр өнөөдөр 06.11 цагт Замын-Үүдийг зорьжээ. Тэднийг өнөөдөр Улаанбаатарт авчирч, ГССҮТ-д хэвтүүлэн эмчлэхээр болсон байна. Цагдаагийн байгууллага ослын шалтгаан нөхцөлийг тодруулахаар ажиллаж байгаа аж. Жолооч хурд хэтрүүлэв үү, эсвэл зүүрмэглэсэн үү, техникийн бүрэн байдал хангагдсан байсан эсэхийг тогтоохоор ажиллаж байна.

Э.БУРАМ

Энэ мэдээнд өгөх таны сэтгэгдэл?
5
ХарамсалтайХарамсалтай
2
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-09 66.181.184.18

ЭРЭЭНИЙ ХААЛГА НЬ ХОШУУГАА НИЙЛҮҮЛСЭН 2 ДИНОЗАВР ЗАМЫН ҮҮДИЙН ХААЛГА НЬ 2 ТИЙШЭЭ ХАРСАН 2 ТЭМЭЭ. ХОЁР ТЭМЭЭНИЙ ГОЛООР ГАРАХААР ЧИНЬ ОДОО ТИЙРҮҮЛЭНЭ БИЗ ДЭЭ.ТЭНЭГ ЗОХИОМЖТОЙ ХААЛГА ВЭ. БАЯН АЙЛЫН ЯДРУУРХАН ХААЛГА ШИГ Л ЮМ .

Avatar

Зочин 2019-01-09 103.9.90.98

зам дээр ийм хаалт багана босгох шаардлагатай юм уу ямар ч нарийхан юм дээ, осол болох үндсэн шалтгаан болсон байна. хэний зөвшөөрлөөр хэдэн төгрөгөөр хийснийг шалгах хэрэгтэй, одоо татан буулгаж замын хажууд баривал дээр байх

Avatar

Зочин 2019-01-09 139.59.73.190

Төрийн өмчийн хорооны дарга байсан АН-ын Төмөрбаатар гэж хүний компани л даа. Жаргал гээд эхнэр нь энэ компаниа хариуцдаг. Дэлгэрэх хүнс гээд компани. Жолооч нь үүрэглэсэн бололтой юм билээ.

NewsMN Гар утасны хувилбар Татах
NEWS.mn

Мэдээллийн эх сурвалж