Давсан бөх унаж, унасан бөх давах уу? | News.MN

Давсан бөх унаж, унасан бөх давах уу?

ДОПИНГ

Давсан бөх унаж, унасан бөх давах уу?

Давсан бөх унаж, унасан бөх давах уу?

Үндэсний бөхчүүдийн допинг хэрэглэсэн гэх дуулиан үе, үе дэгддэг ч тэгсхийгээд л хариуцлага тооцсон ч юмгүй өнгөрдөг. Хэн допинг хэрэглэсэн бэ гэх шуугиантай зэрэгцээд допинг хэрэглэсэн бөхчүүдэд хэрхэн хариуцлага тооцох асуудал хөнддөг. Энэ нь бөхчүүдийн дунд багагүй маргаан, хэрүүл үүсгэдэг билээ.

Өнгөрсөн онд гэхэд төрөөс санхүүжилт авсан “Допингийн эсрэг үндэсний хяналт-1” төслийн хүрээнд гэнэтийн шалгалт хийхэд цөөн тооны бөх “бүдэрсэн”. Хориотой эмийн жагсаалтыг гаргаж, тамирчдад хүргэдэг ч шинжилгээнд “бүдэрдэг” бөхчүүдийн тоо нэмэгдсээр байгаа юм. Допинг хэрэглэсэн гэх шуугианд холбогдсон бөхчүүд ихэвчлэн бэртэл гэмтлээ эдгээхээр уусан эм нь допингийн төрөлд багтдаг талаар мэдээгүй байснаа хэлдэг. Гэвч, тэд үнэхээр санаатайгаар хэрэглэсэн үү, санамсаргүй, мэдээлэлгүйгээсээ уусан уу гэдгийг хэн ч тогтоодоггүй, тэдний тайлбарыг нягталж шалгадаг газар ч байдаггүй билээ. Гээд санаатай байсан ч, санамсаргүй уусан ч допинг хэрэглэсэн бол хуулийн дагуу цолоо хураалгах ёстой. Энэ бол аль ч спортод бичигдсэн дүрэм.

Өнгөрсөн онд авсан шинжилгээгээр допинг хэрэглэсэн гэх асуудал өнөөдөр ч бүрэн шийдвэрт хүрч чадаагүй, хүлээлт үүсгэсэн хэвээр байна.

Тулгар төрийн төрийн 2227, Их Монгол Улсын 812, Ардын хувьсгалын 97 жилийн ойн баяр наадмын Үндэсний бөхийн барилдааны шинжилгээний хариу удааширч гарсан ч гурван бөхийн допингтой холбоотой асуудлын хүрээнд тэдний давааг хүчингүй болгосон. Тодруулбал, 16 бөхийн шинжилгээний дүгнэлтийн талаар Баяр наадмын комисс оны өмнөхөн хуралдаж, улсын гарьд Н.Ганбаатар, улсын харцага А.Цацабшир, улсын начин Ц.Бямба-Очир нарын тав давсныг хүчингүйд тооцож, тэдэнд шороодсон аймгийн арслан Б.Эрдэнэхүү, улсын начин Ч.Хөхчирэнгэр, улсын арслан Э.Оюунболд нарыг тав давсанд тооцож, улсын арслан Э.Оюунболд, улсын начин Ч.Хөхчирэнгэр нарт “Өсөх идэр” чимэг олгохоор болсон. Мөн Ц.Бямба-Очирт олгосон улсын начин цолыг хасах, аймгийн арслан Б.Эрдэнэхүүд улсын начин цол шинээр олгох саналыг Ерөнхийлөгчид өргөн мэдүүлээд байгаа юм. Харин Ерөнхийлөгчийн зүгээс ямар нэгэн шийдвэр гаргаагүй, бөхчүүдийн хувьд унасан нь ч, давсан нь ч хүлээлттэй хэвээр байгаа юм. Одоогоор бөхчүүдийн даваа, унааг хэрхэн шийдэгдэх талаарх мэдээлэл албаныханд мэдээлэл алга байна.

Давсан бөхчүүд унаж, унасан бөх давах уу гэдгээ эртхэн шийдэхгүй дараа жилийн наадмаар дахиад л энэ мэт ойлгомжгүй олон асуудал үүсэх вий.

"Болор дуран"-аар шалгав.
Энэ мэдээнд өгөх таны сэтгэгдэл?
3
ГайхмаарГайхмаар
2
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-09 64.119.16.130

гадна уран мэх гараа дэвээ эрэмбэ ёс жаяг энээ тэрээгээрээ бол илүү соёлын шинжтэй шд ингэж бодохоор аль ч утгаараа мүбх-ны гаргасан шийдвэр илүү олон талаа бодож гаргасан зөв шийдвэр шдээ ямар ч сумын төвд найдвартай ажиллагаатай бүхнийг хамарч чаддаг эмнэлэг цэцэрлэг байхгүй байхад ганц начин төрөхөд юугаар л бол юугаар шагнаж байна шд энэнийг бас бодож үзэх л хэрэгтэй эцэст нь хэлэхэд тэгвэл барилдахгүй энээ тэрээ гээд байгаа бөхчүүдийн анзааны бөхчүүд жилийн дараа гэхэд л гараад ирнэ

Avatar

123 2019-01-09 64.119.16.130

тэр жил манай ооскод дэлхийн бөхийн холбоо бас өршөөл ч гэх юмуу боломж олгож манайх дашт-ээс хэдэн жил тасраад байсан медалиа авчирсан тэгэхэд өөр улсын тамирчид тэгж их хэл ам хийгээгүй л юм даа тэгэхэд манайхан арай л жаахан онцгүй байна уу гүй юу ард түмэн аль болох олон шилдэг бөх барилдахыг л хүсдэг болохоос барилдахгүй марилдахгүй эрх ашиг машиг ч гэх шиг нарийн ярьвал одоогийн үндэсний бөхчүүд шиг их эрхэлж байгаа улс байхгүй шд манай үндэсний бөх чинь ганцхан хүч тэнхээ ихтэй байхаас

Avatar

Ард 2019-01-09 202.72.245.122

Допингийг анхдагчид бол А.Сүхбат, Сумьяабазар нар

Avatar

иргэн 2019-01-09 43.228.130.60

Допингийн шалгалтыг барилдахаас өмөнө авч баймаар юм. Тухайн наадамд түрүүлэх бөх ч байсан юм уу. Ямар нэг тестийн арга хэрэгсэл байж л таараа

Avatar

батсүх 2019-01-09 103.240.240.73

МОНГОЛЫН ТҮҮХЭНД ДОПИНГ ХЭРЭГЛСЭН БӨХЧҮҮДИЙН80% НЬ БӨХИЙН ХОЛБООНЫ НЯМДОРЖ ДАНЗАН2-Н ИВЭЭЛД БАЙДАГ ГОВЬ-АЛТАЙ ХОВДЫН БӨХЧҮҮД БАЙГАА НЬ ХАЧИН ХЭРЭГ, ШҮҮ ОДОО Ч 2БӨХИЙН ДАВААГ ХҮЧИНГҮЙ БОЛГОХ ГЭХЭЭР ДАНЗАНГИЙН ЭХНЭРИЙН ДҮҮ ТАМГЫН ДЭД ДАРГА ХОЙШЛУУЛЖ БАЙХ МАГАДЛАЛТАЙ БГА

Avatar

Зочин 2019-01-09 66.181.189.102

1-4-ийн даваанд унасан бөхчүүд ч харамсалтай л байх.

Avatar

erka 2019-01-09 66.181.187.65

Допинг хэрэглэсэн нь цолоо хураалгаж дараагийнх нь цолоо нөхөж авдаг нь дэлхий нийтийн жишиг шүү дээ. Юунд нь маргаад байгаа юм. Үндэсний бөх бол сонгодог спортын суурийг нь тавьдаг үндэсний спорт шүү дээ хөө. Уураг хэрэглээд допинг илэрдэггүй юм шүү дээ хөө.

Avatar

222 2019-01-09 202.131.244.6

Үндэсний бөх спорт мөн үү. Спорт гэж үзвэл допингийн хяналт зөв. Гэхдээ спортод тавигддаг нас, жин, оноолт, амлах гэх мэтийг шийдэх хэрэгтэй. Тэгээд жудо шиг олон улсад түгээх шаардлагатай.

Avatar

Зочин 2019-01-09 202.21.100.210

Үндэсний бөх шиг жин цаг хугацаагүй спортод допингоор амжилтаа ахиулах асуудал байхгүйээ. Энэ допинг чинь грамм, секунд, дойлоор хэмжигддэг спортод л хамаатай юм шүү дээ. Тэртэй тэргүй тэр уураг чинь допинг биш, хүч чадлаа нэмэгдүүлэхээр хэрэглэдэг нэмэлт хоол шүү дээ.

Avatar

Зочин 2019-01-09 202.70.38.18

Баттулга огцор

Avatar

Зочин 2019-01-09 202.9.43.13

Допинг хэргэлсэн бол цол, чимэг хасдаг нь зөв. Харин цолны даваанд даваагүй бөхөд цол өгдөг нь буруу. Орхих хэрэгтэй. Цол авсан ч гутамшиг.

Avatar

зочин 2019-01-09 66.181.166.196

Угаасаа бүгд допингчин болохоор шийдэхэд хэцүү л дээ, нэг нэгнээ шантаажлаад л ингээд байж байхаас өөр аргагүй байхаа

Avatar

МӨӨГИЙ 2019-01-09 103.240.240.73

ДЭЛХИЙД МОНГОЛЫН ДОПИНГЧИД ШИГ ГОНШИГНОЖ, ЭМ ТАРИАРУУ БУРУУГАА ЧИХЭЖ, ШҮҮХД ӨГДӨГ ХӨНГӨН ШИЙТГЭЛ АВДАГ УЛС БАЙХГҮЙ , ИХЭХНЬ БҮХ АМЖИЛТЫГ НЬ ХҮЧИНГҮЙ БОЛГОЖ НАСААРАА НЬ ТЭМЦЭЭНД ОРОХ ЭРХИЙГ НЬ ХАСДАГ

Avatar

222 2019-01-09 202.131.244.6

Үндэсний бөх спорт мөн үү. Спорт гэж үзвэл допингийн хяналт зөв. Гэхдээ спортод тавигддаг нас, жин, оноолт, амлах гэх мэтийг шийдэх хэрэгтэй. Тэгээд жудо шиг олон улсад түгээх шаардлагатай.

NewsMN Гар утасны хувилбар Татах
NEWS.mn

Мэдээллийн эх сурвалж