Найруулагч Алексей Сидоровын дэлхийн хоёрдугаар дайны үеийн түүхийг өгүүлсэн адал явдалт “Т-34” кино Оросын киноны прокатыг шинэ жилийн амралтын өдрүүдэд тэргүүллээ. Кино амралтын өдрүүдэд 721,5 сая рублийн орлого цуглуулж чадлаа хэмээн киноны мэдээллийн портал kinobusiness.com мэдээллээ.

Цэргийн сургууль дөнгөж төгсөөд фронт руу дайчлагдсан Ивушкин дайснууддаа олзлогдоно. Тэр оргох төлөвлөгөө боловсруулж, тухайн үеийн Зөвлөлтийн армийн бахархал болсон Т34 танкийн багийг бүрдүүлж, Германы танкийн мундагуудтай тулалддаг.

Киноны гол дүрд Александр Петров, Виктор Добронравов, Ирина Старшенбаум нар тогложээ. Кино 2019 оны нэгдүгээр сарын 1-нээс гарч эхэлсэн бөгөөд гарсан өдрөөс хойш долоо хоногийн дотор нэг тэрбум орчим рублийн орлого олсон нь нэг тэрбумийн орлоготой киноны жагсаалтын 12-т бичигдэж байна.

Эх сурвалж: РИА НОВОСТИ