Улаанбаатар хотоос Замын-Үүд чиглэлд явж байсан хот хоорондын том оврын автобус өнөөдөр /2019.01.08/ 06.00 цагийн орчим Замын-Үүд сум руу орох төв хаалгыг мөргөж, ноцтой осол гаргажээ. Ослын улмаас хоёр хүн нас барж, 30 орчим хүн гэмтсэн байна. Эх сурвалжийн мэдээлснээр амиа алдсан хоёр иргэн нь автобусыг жолоодож явсан жолооч нар байжээ.

Цагдаагийн байгууллага ослын шалтгаан нөхцөлийг тодруулахаар ажиллаж байгаа аж. Жолооч хурд хэтрүүлэв үү, эсвэл зүүрмэглэсэн үү, техникийн бүрэн байдал хангагдсан байсан эсэхийг тогтоохоор ажиллаж байгаа юм.