Азийн хоккейн холбооноос зохион байгуулж буй “Сhallenge Cup” тэмцээн Тайваны Тайпэй хотноо үргэлжилж байна. Монгол-АНЭУ-ын тоглолт гуравдугаар сарын 16-ны өдөр болсон билээ. Энэхүү тоглолтод арабын хоккейчид 6:1 онооны харьцаагаар хожсон юм. Харин тоглолтын үеэр хоёр багийн тамирчдын дунд зодоон болсон бөгөөд ажиглагчид үүнийг шүүгчийн алдаатай шүүлтээс болж гарсан гэж үзжээ.

Найм дахь удаагийн “Challenge Cup of Asia-2015” тэмцээнд Тайвань, АНЭУ, Монгол, Тайланд, Макао гэсэн таван улс оролцож байна. Манай хоккейчид одоогоор Макаогийн шигшээг хожиж, АНЭУ-ын багт ялагдаад байна. Тэмцээн энэ сарын 19-ны өдөр өндөрлөх юм. 

Ч.БОЛ