Зүйр цэцэн үг нь тухайн үндэстний аж амьдрал, ахуй соёлын бүх хүрээг хамарсан хэлний охь дээж, олон мянган жил шигшигдэн тунгаагдсан эрдэнэсийн сан байдаг. Зүйр цэцэн үгийн талаар хэрхэн тайлбарлаж бичсэнийг Монгол утга соёл судлаач, доктор Д.Баттогтохын “Монгол үндэстний хүмүүжүүлэн сургах ухааны их нэвтэрхий толь”-оос хүргэж байна.

“Ядарсан хүн яс хэмлэнэ, ухаантай хүн ууцанд сууна” гэсэн зүйр үгээр хүндтэй эрхэм хүн дайлуулна, хүндгүй муу хүн хүнд хаягдана гэсэн санааг илэрхийлэх ажээ. Энэ зүйр үг нь сайн муу, ухаантай ургашгүй хоёр хүний явдал, үйл хэргийг жишин харьцуулж зүйрлэсэн хэвшмэл хэллэг юм. Зүйр үгийн эхний цогцолборын шууд утга нь ядарсан хүн нохой мэт яс хэмлэх нь хөөрхий бол шилжсэн утга нь ажилд хойргошин хоцорвол хоосон яс мөлжинө гэсэн ёгт санаатай ажээ.

Эх сурвалж: ЗУУНЫ МЭДЭЭ