“Нам, сонгогчид өөрсдөдөө шүүмжлэлтэй хандах цаг болсон” | News.MN

“Нам, сонгогчид өөрсдөдөө шүүмжлэлтэй хандах цаг болсон”

Хуучирсан мэдээ: 2019.01.08-нд нийтлэгдсэн

ГАРЦ ҮГ

“Нам, сонгогчид өөрсдөдөө шүүмжлэлтэй хандах цаг болсон”

Монголын нийгэмд засч залруулах, илүү сайжруулах олон зүйл бий. Тэр асуудал болгон шийдэл хүлээж байгаа. Энэ шийдлийг олоход дөхөм болох санал санаачилга гаргаж, олон нийтэд мэдээлсэн эрхмийн үг энэ буланд байх юм.

Амаржаргал

Р.Амаржаргал

АН-ын дэд дарга

“Улс төрийн намууд зүг чигээ маш тодорхой болгох шаардлагатай байна. Үүндээ тулгуурлаж боловсон хүчний бодлогодоо хариуцлагатай хандах цаг нь болсон. Ялангуяа боловсон хүчнээ сонгох, сургах, дадлагажуулах чиглэлийн ажлуудыг нэлээд чамбай хийж, улс төрийн сонгуульд оруулахгүй бол дээрх алдаа давтагдана. Хоёрдугаарт, олон нийтийн зүгээс улстөрчдөд тавих хяналт, шаардлагаа чанаржуулах хэрэгтэй. Өөрөөр хэлбэл, сонгогчид улс төрийн намуудыг арай өндөр төвшинд гаргаж ирдэг болмоор байна. Мөн улс төрд орж байгаа хүмүүсээс бид юу шаардаж, юуг нь чухалчилж харах уу гэдгээ тодорхой болгох ёстой. Уран цэцэн ярьж байгаа нэгнийг дагаад намирах уу эсвэл хэдэн цаасаар саналаа худалдаж нүдэн балай, чихэн дүлий өнгөрөх үү гэдэг асуудалд ч өөртөө шүүмжлэлтэй хандмаар байгаа юм. Улс төрийн намуудыг шинэ төвшинд гаргахад хүн бүрийн оролцоо шаардагдана. Сонгогчдын ч тэр улс төрийн намуудын аль алиных нь хариуцлагын асуудал.”

Эх сурвалж: news.mn

Бадарч

Д.Бадарч

Профессор

“Манай боловсролын системийг харвал төрөөс шинэ шинэ санаачилга гаднаас шууд хуулж, боловсролын байгууллагуудад тулгах арга барилыг хатуу баримталж, их, дээд сургууль багш нарын бүтээлч санаачилгыг бууруулж, академик эрх чөлөөг зөрчиж байхад сургууль, багш нь оюутан сурагчдадаа өөрийн заадаг хичээлээ тулгаж, тэр хүрээндээ мэдлэгийг нь дүгнэх уламжлалт аргаасаа салж чадахгүй байгаа нь оюутан залуучуудын бүтээлч сэтгэлгээг хөгжүүлэх, эргэцүүлэн бодож, тунгаан шүүж судалж байгаа хичээл сэдвээ өөрийн болгон ухаарах боломжийг олгож чадахгүй байна. Үүнээс гарахын тулд багшаас оюутан руу чиглэсэн нэг чиглэлийн урсгалыг зогсоож, оюутан, сурагчаас багшид чиглэсэн аливаа асуулт, дүгнэлт, санаа бодлыг дэмжин ажиллах, суралцагчдаас бие даан суралцах орчин нөхцөл бий болгох талаар төрөөс илүүтэй анхаарах хэрэгтэй байна.”

Эх сурвалж: “Өнөөдөр” сонин

Энэ мэдээнд өгөх таны сэтгэгдэл?
2
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

өвгөн 2019-01-08 66.181.161.12

Бид хууль бусаар баяжсан,хууль бусаар эрх мэдэлд хүрсэн болгондоо долигнож төрийн жолоог өгдөг болоод удлаа.
Бүр ёс юм шиг тэд нь сонгууль бүхэнд төрийн сэнтийд залагдана. Сэтгэлгээ ядуу бол үйл ядуу гэж үнэн юм даа

Avatar

Зочин 2019-01-08 202.55.191.194

АМАРЖАРГАЛ 2020 ОНД УИХ-Д НЭР ДЭВШИХИЙН ТУЛД ХЭНИЙГ ЮУЧ ГЭХЭЭС БУЦАХГҮЙ БОЛЖЭЭ ХӨӨРХИЙ. ШУЛАМЫН ХОРЛОЛ БОЛЖ ДЭЭ ЗАЙЛУУЛ. УГ НЬ ГАЙГҮЙ ХҮН БАЙСАН ЮМ ИНГЭЖ НЭРЭЭ БААСДАХ Ч ГЭЖ ДЭЭ. а******н ЭРДЭНЭТЭЙ ЗАМ НИЙЛСЭН ХҮН САЙНАА ҮЗЭХГҮЙ ДЭЭ

Avatar

Иргэн 2019-01-08 202.126.88.39

Амаржаргал бол сахал Эрдэнэбилэгийн тэжээвэр нохой, дараагийн хозор нь болохоор битгий итгэ, эргэлзээд байвал хамт хоолыг нь гудраад явж байгаа нь харагддаг, Мэдрээ, халзан Эрдэнэбат, сахал Эрдэнэбилэг, Амаржаргал 4 их хэлхэлддэг болсон!!!

Avatar

зочин 2019-01-08 66.181.176.138

"парламентийг хоёр танхимтай болгох тухай яриад байх юм. Манайхны ухамсар, улс төрийн соёлын өнөөгийн түвшинд авилгачдын тоог нэмэхээс өөр үр дүн гарахгүй шүү гэдгийг анхаармаар юмааа…

Avatar

иргэн 2019-01-08 202.9.42.158

Тогтолцоогоо ѳѳрчилж АИХ,Бага хуралтай болохгүй бол тѳрд ард түмний тѳлѳѳлѳл байхгүй болсон.Нам гэж хийрхэж хоорондоо хѳлѳѳ жийлцсээр хэдхэн этгээд баяжаад ард иргэдийн 98 хувь зээлээс зээлэнд маш ядуу амьдарч байна.Нам,сонгуулийн амлалт,худлаа хариуцлага ярьдаг энэ тэрийг чинь иргэд ер сонирхохоо больсон.Баялгынхаа эзэн байж шударга авилга хээл хахуульгүй иргэд нь тѳрд жинхэнэ утгаараа тѳлѳѳллѳѳ суулгадаг тогтолцоог хүсэж байна.АИХ,Бага хуралтай болох нь зѳв.Ѳѳр ямарч гарцгүй.

NewsMN Гар утасны хувилбар Татах
NEWS.mn

Мэдээллийн эх сурвалж