Өмнөд Солонгосын шүүхээс Японы фирмийн хөрөнгийг битүүмжлэх шийдвэр гаргасныг эсэргүүцэж буйгаа ерөнхий сайд Шинзо Абэ мэдэгджээ. Сөүлийн Дээд шүүхээс өнгөрсөн оны арваннэгдүгээр сард Японы “Mitsubishi” компанийг тус улсын иргэдийг албадан хөдөлмөр эрхлүүлснийхээ төлөө нөхөн олговор олгохыг шаардсан шийдвэр гаргасан юм. Улмаар Япон фирм нөхөн төлбөрийг төлөхөөс татгалзсанаар хөрөнгийг нь битүүмжлэх арга хэмжээ авахаар болжээ.

Тэгвэл Японы ерөнхий сайд Шинзо Абэ “NHK” телевизийн “Ням гаригийн мэтгэлцээн” нэвтрүүлэгт оролцохдоо Сөүлийн шийдвэрийг эсэргүүцэж буйгаа мэдэгджээ. Тэрбээр “Японы засгийн газар энэ асуудлыг ноцтойгоор авч үзэж байна. Олон улсын хуульд үндэслэн энэ хэрэгт тодорхой хариу арга хэмжээ авахыг холбогдох албан тушаалтнуудад даалгасан” хэмээжээ.

Хоёр орны хооронд 1965 онд байгуулсан энхийн гэрээнд заахдаа колоничлолын үед амссан хохирлоо хувь хүн нэхэмжлэх эрхийг хязгаарлахгүй гэжээ.  Гэвч нөхөн төлбөрийн асуудал хоёр орны харилцаанд зөрчил үүсгээд байна.

Эх сурвалж: Yonhap