Аялагчид Японоос гарахдаа татвар төлнө | News.MN

Аялагчид Японоос гарахдаа татвар төлнө

Хуучирсан мэдээ: 2019.01.06-нд нийтлэгдсэн

Аялагчид Японоос гарахдаа татвар төлнө

Аялагчид Японоос гарахдаа татвар төлнө

Япон улсад Даваа гаригаас хойш буюу нэгдүгээр сарын 7-оос эхлэн аялагчдад татвар ноогдуулж эхлэх гэж байна. Энэ нь Японоос буцаж нисч буй бүх хүн 1000 иен (ойролцоогоор есөн ам.доллар) татвар төлөх хууль юм. Энэхүү татвар нь үндэстэн харгалзахгүй хоёроос дээш насны бүх хүнд хамаарах аж. Түүнчлэн Японоос хувийн онгоц, хөлөг онгоцоор явж байгаа хүмүүс ч гааль дээр татвараа тушаах ёстой гэнэ.

Японы  “Nikkei” сонинд мэдээлснээр 24 цагийн дотор дамжих нисэх аялагчид, байгалийн гамшгаас дүрвэн ирсэн хүмүүс, нисэх онгоц болон хөлөг онгоцны багийн гишүүд, дипломат ажилчид татвар төлөхгүй аж.  Татварын хуулийг өнгөрсөн 2018 оны дөрөвдүгээр сард баталжээ.

Японы засгийн газраас энэ жил татварын орлогоос нэмэлт 50 тэрбум иен төвлөрүүлэхээр төлөвлөжээ. Япон нь ирэх 2020 онд зуны Олимпийн наадмыг зохион байгуулах юм. Албаныхан шинэ татварын орлогыг гадаадын зочдын тав тухыг хангах, нисэх буудлуудад нүүр таних технологи суурилуулах, жуулчдын мэдээлэл авах цэгүүдийг шинэчлэх зэрэгт зарцуулах гэнэ. Япон улс өнгөрсөн 2018 онд 30 сая гадаадын аялагч хүлээн авсан ба 2030 он гэхэд энэ тоо хоёр дахин өсөх хандлагатай байна.

Өмнө нь Өмнөд Солонгос улс 1997 онд дотоодын аялагчдад, 2004 онд олон улсын аялагчдад ижил төрлийн татварыг тавьсан юм. Энэ нь нисэх онгоцоор зорчиход 10 мянган вон (ойролцоогоор есөн ам.доллар), хөлөг онгоцоор зорчиход 1000 вон байдаг аж.

Ийм татвар АНУ, Франц, Герман, Австрали, Канад улсад ч байдаг.

Эх сурвалж: Korea Times

Энэ мэдээнд өгөх таны сэтгэгдэл?
2
ХарамсалтайХарамсалтай
1
ГайхмаарГайхмаар
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-06 103.229.123.106

Энэ мэдээнээс үзвэл Японд их сонин юм байна.1000 йен. 10000 йен хоёулаа ав адилхан, ойролцоогоор 9 америк доллар байдаг юм байна шүү…

Avatar

Зочин 2019-01-06 103.229.123.106

Нээрээ сонин юм. Бас дипломат ажилчин гэж байдаг юм байна…

Avatar

Зочин 2019-01-06 103.229.123.106

Энд андуурал гарчээ

Avatar

Mongolian customs 2019-01-06 150.129.143.229

Mongold orhod $100 bonustai garhad n $1000 tatvar avul ch bayajna da. Yamar ch hun utaand hordoj uhehguin tuld $1000 baitguai toloh bh haha

NewsMN Гар утасны хувилбар Татах
NEWS.mn

Мэдээллийн эх сурвалж