Хөлбөмбөгийн ААШТ өнөөдөр эхэлнэ

Дөрвөн жилд нэг удаа болдог XVII дахь удаагийн Ази тивийн хөлбөмбөгийн аварга шалгаруулах тэмцээн /ААШТ/ Персийн буланд эхэлж байна. 2019 оны “Шар” тивийн хөлбөмбөгийн АШТ дөрвөн хотын найман цэнгэлдэх хүрээлэнд нэгдүгээр сарын 5-аас хоёрдугаар сарын 1-ний хооронд явагдах бөгөөд нийт 24 улсын шигшээ баг оролцоно.

Тэмцээнийг зохион байгуулагч АНЭУ тэртээ 1996 онд анх удаагаа тивийн АШТ-ийг хүлээн авч аваргын төлөө шалгарч байсан ч Саудын Арабын шигшээ багт хожигдож мөнгөн медаль хүртэж байсан. Энэ бол АНЭУ-ын тивийн аваргадаа үзүүлсэн хамгийн өндөр амжилт юм. Тивийн АШТ-г хоёр дахь удаагаа хүлээн авч буй АНЭУ-ын шигшээ баг энэ удаа мөн өндөр амжилт үзүүлэх зорилготой байгаа нь дамжиггүй. Тэднийг 2017 оны аравдугаар сараас хойш А.Заккерони удирдаж байгаа бөгөөд Итали эрхэм өмнө нь Японы шигшээ багийг удирдан 2011 оны ААШТ-д түрүүлж байсан туршлагатай ажээ. Тэмцээнийг зохион байгуулагч АНЭУ-ын шигшээ баг эхний тоглолтоо УБ-ын цагаар шөнийн 00.00 цагт Бахрейн улсын эсрэг хийнэ.

А ХЭСЭГ:

№	Шигшээ баг	ААШТ-нд үзүүлсэн амжилт
1	АНЭУ	1 мөнгө, хүрэл
2	Энэтхэг	1 мөнгө
3	Тайланд	1 хүрэл
4	Бахрейн	Нэг удаа 4-р байр

В ХЭСЭГ:

№	Шигшээ баг	ААШТ-нд үзүүлсэн амжилт
1	Австрали	1 алт, 1 мөнгө
2	Йордан	2 удаа шөвгийн 8-д шалгарсан
3	Сири	6 дахь удаагаа оролцож байна
4	Палестин	2 дахь удаагаа оролцож байна

С ХЭСЭГ:

№	Шигшээ баг	ААШТ-нд үзүүлсэн амжилт
1	Өмнөд Солонгос	2 алт, 4 мөнгө, 4 хүрэл
2	БНХАУ	2 мөнгө, 2 хүрэл, 2 удаа 4-р байр
3	Киргизстан	Анх удаагаа оролцож байна
4	Филиппин	Анх удаагаа оролцож байна

D ХЭСЭГ:

№	Шигшээ баг	ААШТ-нд үзүүлсэн амжилт
1	Иран	3 алт, 5 мөнгө, 1 удаа 4-р байр
2	Ирак	1 алт, 2 удаа 4-р байр
3	Вьетнам	2 удаа 4-р байр
4	Йемен	Анх удаагаа оролцож байна

E ХЭСЭГ:

№	Шигшээ баг	ААШТ-нд үзүүлсэн амжилт
1	Саудын Араб	3 алт, 3 мөнгө
2	Умард Солонгос	1 удаа 4-р байр
3	Катар	1 удаа шөвгийн 8-д шалгарсан
4	Ливан	2 дахь удаагаа оролцож байна

F ХЭСЭГ:

№	Шигшээ баг	ААШТ-нд үзүүлсэн амжилт
1	Япон	4 алт, 1 удаа 4-р байр
2	Узбекстан	1 удаа 4-р байр
3	Оман	4 дэх удаагаа оролцож байна
4	Туркменстан	Анх удаагаа оролцож байна