Японоос Хавай орохоор хэдэн мянган автомашин тээвэрлэж явсан тээврийн хөлөг онгоцонд гал гарсан тухай “Automotive news” сайт мэдээлсэн байна. Хавай арлаас баруун хойд зүгт 3200 км-ийн зайд явж байхад гал гарч эхэлжээ. Хөлөг дээр “Nissan” маркийн 3500 ширхэг автомашин байсан ба үүнээс гадна ямар үйлдвэрийн хичнээн автомашин байсныг тодорхой мэдэх боломжгүй байгаа аж. Японы “Shoei Kisen Kaisha” компанийн эзэмшдэг уг хөлөг нь 2009 онд үйлдвэрлэгдсэн бөгөөд нийт 5200 автомашин тээвэрлэх хүчин чадалтай юм байна.

Ойролцоо явсан худалдааны жижиг онгоцуудаас тусламж хүссэн байна. Тусламж хүргэхээр ирсэн онгоцны аврах багийнхан тус хөлгийн 16 гишүүнийг аварч чадсан ч үлдсэн таван гишүүнийг аварч чадаагүй гэв. Галын шалтгааныг одоогоор хараахан тогтоож амжаагүй байгаа ба хөлөг живэх эрсдэлтэй байгаа юм байна.

Эх сурвалж: AUTOMOTIVENEWS