Түгжрэлийг сааруулахын тулд 18 уулзвар барих шаардлагатай | News.MN

Түгжрэлийг сааруулахын тулд 18 уулзвар барих шаардлагатай

Хуучирсан мэдээ: 2019.01.04-нд нийтлэгдсэн

Түгжрэлийг сааруулахын тулд 18 уулзвар барих шаардлагатай

Нийслэл хотын хэмжээнд өнөөдрийн байдлаар  530 гаруй мянган  тээврийн хэрэгсэл бүртгэлтэй байна

Улаанбаатар хотын тулгамдсан асуудлын нэг нь автомашины түгжрэл. Нийслэлийн хэмжээнд өнөөдрийн байдлаар  530 гаруй мянган  тээврийн хэрэгсэл бүртгэлтэй байна. 2018 оны арваннэгдүгээр сарын байдлаар  нийслэлд 73 мянган тээврийн хэрэгсэл шинээр дугаар авч бүртгэгдсэн бол 4300 гаруй тээврийн хэрэгсэл бүртгэлээс хасагджээ. Ийм байдлаар жил бүр 70 мянга орчим тээврийн хэрэгсэл хөдөлгөөнд нэмэгдээд байвал 2025 он гэхэд нийслэлд нэг сая гаруй  тээврийн хэрэгсэлтэй болж замын хөдөлгөөнийг зохицуулж чадахгүйд хүрэх эрсдэл тулгараад буй. Тэгвэл нийслэлийн автозамын түгжрэлийг бууруулах ажлын хэсгийн хуралдаан өнөөдөр /2019.01.04/ болж, гарц шийдэл эрэлхийллээ. 


18 УУЛЗВАРЫГ ХОЁР ТҮВШИНД БОЛГОХЫГ КОНЦЕССООР ШИЙДВЭРЛҮҮЛЭХ ШААРДЛАГАТАЙ

Нийслэлийн Авто замын хөгжлийн газрын орлогч дарга Б.Индра: 2017 онд түгжрэлийг бууруулах ажлын хэсэг саналаа боловсруулж иргэдийн хурлаар төсвөө батлуулсан. Ингээд 2018 онд нийслэлийн газрын албатай хамтарч газар чөлөөлөлтийг хийсэн. Тухайлбал, 2017 онд тээврийн хэрэгслийн төлбөртэй зогсоол  27 байсан бол албан  ёсны гэрээт  төлбөртэй зогсоолуудыг бий болгосноор  нийтдээ 42 зогсоолыг албажуулж, аж ахуй нэгжүүдтэй гэрээ хийн ажиллаж байна. Цаашлаад 20 уулзварыг хоёр түвшинд болгохоос зөвхөн Яармагийн   гүүр өнгөрсөн онд ашиглалтад орсон.  Энэ  онд багтаж, Тээврийн цагдаагийн газрын орчимд гүүрэн зам хийгдэж  дуусна.

Харин үлдсэн 18 байршлын  уулзварыг хоёр түвшинд болгох  ёстойгоос Таван шарын уулзвар, Саппорогийн уулзвар, Баянбүрдийн тойрог, 100 айлын уулзвар, Дарь эхийн уулзвар зэрэг газруудад Сангийн яамны “Хөгжлийн хөтөч”  дээр зургийн ажил хийгдэж байна. Одоогоор Хятадын банктай хөрөнгийн асуудлыг шийдэхээр Сангийн яам зөвшилцөж байгаа. Эдгээр 18 байршлыг Нийслэлийн авто замын хөгжлийн газрын замын сангийн хөрөнгөөр хийх боломжгүй учраас концессоор шийдвэрлүүлэх саналтай байна.

Учир нь 2017 оны долдугаар сарын 1-ээс Авто замын шинэчлэн найруулсан хууль батлагдаад мөрдөгдөж  эхэлсэн. Хуульд зааснаар зөвхөн замын сангийн  хөрөнгийг зам засвар арчлалтад зарцуулна гэж заасан учраас өөр зүйлд хөрөнгө зарцуулах боломжгүй болсон. Мөн гүүр барихтай холбогдуулан нүхэн гарц шинээр барихаар төлөвлөж, хөдөлгөөний зохицуулалт хийж байгаа. Тухайлбал, Төмөр замын депо, Нарны зам, Энхтайваны гүүр, Геологийн төв лаборатори, “Өгөөмөр” захын зүүн талд, “Жанжин клуб” орчимд хөдөлгөөний зохицуулалт хийнэ. “Дүнжингарав” худалдааны төв орчимд үүсдэг ачааллыг жигд хуваалцах юм.

СУРАГЧДЫГ  ЗӨӨХ АВТОБУС ГАРГАХ САНАЛ ГАРГАСАН Ч  ЗАХИРЛУУД ДЭМЖЭЭГҮЙ

Тээврийн цагдаагийн  албанаас: Зарим замыг нэг чигийн хөдөлгөөнд оруулах саналууд  иргэдээс их ирж байгаа. Тухайлбал, 3, 4 хорооллын 1000 нэрийн барааны ард талын 22 байр, 2А байр гэсэн Өргөөгийн гудамж, Баянзүрх зах руу орох гарц, Драгон төвийн орох гарах гарцыг хааж хөдөлгөөнийг тойрог хэлбэрт оруулах хөдөлгөөнийг нэг чигт болгох саналуудыг  ажлын хэсэгт оруулсан. Зарим замыг  нэг чигийн хөдөлгөөнтэй болгохоор нэмж санал гаргаж байгаа. Эдгээрийг судлуулахаар Замын хөдөлгөөний удирдлагын төвд хандсан. Мөн сурагчдыг  зөөх автобусыг Нийслэлийн тээврийн газраас  цаг маршрутаар нь гаргахаар саналууд гаргасан ч  сургуулиудын захирлууд дэмжээгүй. Тиймээс дахин  судалгаа хийхээр төлөвлөж байна.

ХАМРАН СУРГАХ ТОЙРГИЙГ БАРИУЛБАЛ ТҮГЖРЭЛ БАГАСНА

Нийслэлийн мэдээллийн технологийн газрын дарга О.Чинзориг: Сурагчдын амралт  эхэлсэн учраас  замын  түгжрэл багассан.  Бид Нийслэлийн боловсролын газартай хамтраад томоохон ажил хэрэгжүүлэхээр ажиллаж байна. Сургуулийн  хамран сургах тойрогтоо сурагчдын 50 хувь нь явдаггүй. Ихэнх нь өөр газраас ирдэг эсвэл өөр сургуульд шилжээд сурдаг. Эдгээр хүүхдүүдийг харьяаллын сургуульд нь хүргэж өгч тээвэрлэх асуудлыг цахимжуулаад хамран сургах тойргийг нь бариулах тал дээр ажил хийвэл түгжрэлийг бууруулах боломжтой.  Бага тойрууд төлбөртэй сургууль, цэцэрлэгүүд их байдаг. Эдгээр сургуулиуд тэр хавьд маш их  ачаалал үүсгэдэг. Нэг машинд нэг хүүхэд суугаад явж байна. Хүүхэд зөөвөрлөх зохицуулалтыг сайжруулчих юм бол түгжрэл багасна.

СУРАГЧДЫН АВТОБУСНЫ ТООГ НЭМЭГДҮҮЛЭХЭЭР АЖИЛЛАЖ БАЙНА

Нийслэлийн боловсролын газрын хяналт шинжилгээ үнэлгээний хэлтсийн дарга С.Ганчимэг:

Нийслэлийн ерөнхий боловсролын сургуульд /ЕБС/ 260, цэцэрлэгт 150 мянга гаруй хүүхэд сурч байна. Амралт эхэлснээс хойш түгжрэл буурч байгаа ч цаашид түгжрэлийг бууруулах чиглэлээр ямар байгууллагатай хамтран ажиллах боломжтойг судалж байна. ЕБС-ийн сурагчдын зорчилтын судалгаа гаргаж, нийтийн тээврээр үнэ төлбөргүй үйлчлүүлбэл ямар зардал гарахыг судалж яаманд хүргүүлсэн. Мөн сурагчдын автобусны тоог нэмэгдүүлэхээр ажиллаж байна.

Энэ хичээлийн жилд 52 сургуулийн 130 автобусаар 6784 хүүхэд үйлчлүүлсэн. 52 сургуулийн  31 нь төрийн сургууль 21  нь төрийн бус өмчит сургууль. Төрийн өмчийн сургуулийн автобусны тоог нэмэх талаар төсөвт 400  сая төгрөг суулгаад автобусны тоог жил бүр гурваар нэмэгдүүлж байгаа.

Өмнө нь алслагдмал дүүргийн  гэрээс сургууль  хүртлээ олон км-т алхаж ирдэг хүүхдүүдэд анхаарч ирсэн. Харин энэ жил  хотын төвийн сургуулиудад нэмэлтээр автобус гаргая гэдэг санал гаргасан боловч 2019  оны төсөвт гурван автобус батлагдсан учраас тоог нь нэмж чадаагүй. Хэдэн цагт ачаалал их байгааг судалж, цагийг нь зөрүүлэх байдлаар арга хэмжээ авч байна. Өглөө  08.00 цагт бүх сургууль хиээллэдэггүй.

Нийслэлийн Засаг даргын 2018 оны арванхоёрдугаар сарын 3-ны өдрийн А/1130 захирамжаар ажлын хэсэг байгуулан ажиллаж байна. Тус ажлын хэсэг Энхтайваны өргөн чөлөө дагуух сургуулиудын  хүүхдийн автобусны шинэ чиглэл турших ажлын хэсэг байгуулсан. Шинэ автобусны чиглэлийг турших ажил хоёрдугаар сард хичээл эхлэхээр болсон. Тэр хооронд бэлтгэл ажил хийгдэж байна.  Мөн хүүхдүүдээс  зорчилтын талаарх онлайн судалгаа гаргахаар төлөвлөсөн. Эхний ээлжинд цаасаар авна.

Дээрх мэдээллийн сонссоны дараа НИТХ-ын  дарга С.Амарсайхан зохиомол ачаалал үүсгэдэг хувиараа  такси үйлчилгээнд явдаг автомашинуудыг цэгцэнд оруулахыг Нийтийн тээврийн газарт  үүрэг болгосон юм. Учир нь  таксинд үйлдэгдэж буй гэмт хэргийн халдлага ихсэж байгаа учраас зөвхөн тоолуур, тэмдэгтэй, ялгах өнгөтэй таксиг хотод явуулах бодлого баримтлах аж.

ЯМАР АЖИЛ ХИЙСНЭЭ  ТАЙЛАГНАЖ ЧАДАХГҮЙ БАЙНА

 Тэрбээр өнөөдрийн хуралдааныг дүгнэн хэвлэлд өгсөн ярилцлагадаа “Ажлын биелэлт үнэхээр хангалтгүй байна. Улаанбаатар хот сая  гаруй хүнтэй,  800 гаруй км авто замын сүлжээтэй, 500 гаруй мянган авто машинтай мөртлөө авто  замын төлөвлөлт  зохицуулалт инженерчлэлийг  зохион байгуулалт хийдэг мэргэжлийн  байгуулгагүй явж ирсэн. Энэ байгууллагыг байгуулж, яаралтай энэ сард багтааж ажилд нь оруулна.

Нийслэлийн автозамын түгжрэлийг бууруулах ажлын хэсгийг шинэчилж зохион байгуулна. Ажлын хэсгийн нарийн бичгийн даргаасаа ямар ажил хийснээ  тайлагнаж чадахгүй  байна. Ийм байдалтай ажлыг цааш явуулахгүй. Энэ асуудлыг цэгцэлнэ. Асуудал танилцуулахаар цаасан дээр бүх зүйл бүтэж байна гэдэг ч бодит байдал дээр  эсрэгээрээ байна.  Асуухаар нэг бол хөрөнгө мөнгө байхгүй гэдэг.

Гэтэл хөрөнгө мөнгөгүйгээр хариуцлага үүргээ  ухамсарлаад хийчих ажлууд зөндөө байна. Авто зогсоолыг иргэдэд нээлттэй болгоход хөрөнгө шаардлагагүй. Аж ахуйн нэгжүүдийн гадна зогсоолыг үнэ төлбөргүй болгоход бас л мөнгө хэрэггүй. Дор бүрнээ хийж буй учраас хүчээ нэгтгэж чадахгүй, тарамдаад байгаа учраас нэгдэж хамтарч  ажиллах хэрэгтэй байна” гэв.

Э.БУРАМ

Энэ мэдээнд өгөх таны сэтгэгдэл?
3
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

24 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-04 64.119.27.176

Миний мэдэхийн Дүнжингарав захын зүүн талд нүхэн гарц барина гээд 4 жил болж байна.

Avatar

Зочин 2019-01-04 66.181.161.99

japanaas mashin oruulhaa bolichih solongos mashin muulaad baidag ni mashin unahgui tegeel ene tugjee tailagdanadaa

Avatar

Зочин 2019-01-04 139.5.217.181

Хүүхдүүд тэртэй тэргүй үнэгүй , үнэгүй шахуу явж байхад юун үнэгүй явуулах төсөв яриад мөнгө идэх гээд байнаа . Зүгээр сургуулын автобуёнуудыг дэмжвэл тэр чинь зөв бодлого болно .

Avatar

нүд чих 2019-01-04 103.212.119.156

Ми Энхболд газар өгч сургуульгүй цэцэрлэггүй баахан шамбааралдсан хороолол барьсан, тэгээд өглөө бүр өдөр бүр хүүдүүдээ хол байгаа сургууль цэцэрлэгт машинаар хүргэх авах гэж түгжрэлийг нэмсэн.Тэрийгэээ УБ г хөгжүүлээд бүтээн байгуулалт хийсэн гэж телвизээр яриад.байх юм. Газар өгсөн авсан 2 л их ашигтай болсон байх. Түгжрэл.цаг алдалт гээд уршиг нь маш их.

Avatar

Туннель барья 2019-01-04 64.119.27.187

Уулзвар нэмээд нэмэргүй. Харин гол уулзваруудад Туннель 18 ш барьж хөдөлгөөний хурдыг нэмж, дээгүүр доогуур машин чөлөөтэй нэвтрүүлж, гэрэл дохиог хасья.

Avatar

Зочин 2019-01-04 66.181.177.38

Их дээд сургуулиудыг нэмж Улаанбаатарт байгуулахыг хорь. Одоо байгааг үе шаттай улаанбаатараас гаргаж Ховд Дорнод Өмнөговь зэрэг зах хязгаар нгутгуудад шилжүүл.

Avatar

Зочин 2019-01-04 66.181.177.38

Паркингуудыг энд тэндгүй бий болгох хэрэгтэй. таксины үйлчилгээг сайжруул. Хүмүүс таксинд явдаг байдлыг эцэс болгох хэрэгтэй төр төмөр нүүрээ харуул. Зөвшөөрөлгүй таксинд яваа хүмүүсийг барьж өндрөөр торго. Нийтийн тээврээ сайжруул.

Avatar

Зочин 2019-01-04 66.181.177.38

Замын цагдаагийн хажуугийн том гүүрийг заавал одоо барих шаардлагагүй байсан. Хувааж идэх, дарга нарт зулгуйдах гэж тэр гүүрийг барьж байна. Түүнийг үе шаттай хөдөлгөөнд бага нөлөөтэй аажмаар барьж болох байсан. Тэгээгүй.

Avatar

Зочин 2019-01-04 66.181.177.38

уУлзвар барьснаар бүх зүйл шидэгдэхгүй. Уулзваруудыг барихаас гадна даруй хийчихэж болох арга зам зөндөө байна. даан ч энэ хотын удирдлагууд Улаанбаатараасаа гарч үзээгүй юм мэдэхгүй байгаад учир байна. Арай өргөн сэтгэх хэрэгтэй. Машинуудын албан татварыг нэм. Төлж чадахгүй нь явган гэлдэрнэ биз. Хэ.дий болто машины өмхий утаанд гэлдрэх юм. Үүнйиг нэн даруй хийж машинуудын тоог цөөл. Хотын энэ олон хашаануудыг нураа. Жижиг гарц гуамжуудыг чөлөөл. Хямд үнэтэй түр гүүрүүдийг энд тэндгүй байгуул.

Avatar

Зочин 2019-01-04 64.119.19.32

axiad 200 uulzvar barisan ch bagasaxgui uxer mongolchuudaa. gol asuudal uulzvartaaa bish zugeer xeterxii ix shavsan bagtaamjaasaa hetercheed bna ene ulaanbaatar

Avatar

Зочин 2019-01-04 149.167.33.143

ҮНЭНДЭЭ ЧАДВАРГҮЙ ЧАДАЛГҮЙ АРЫН ХААЛГАНЫ ХҮМҮҮС ХИЙЧИХЭЭР АЖИЛЫН ИХЭНХИЙГ НУРААЖ БАЙНА ДАА. НААМБАРВАНААС АВХУУЛААД ТҮҮНИЙ ЗАГАЛМАЙЛАГДСАН ДҮҮ МИ ОВОГТООС ДАРААЛУУЛААД ТӨРИЫН АЛБЫГ ҮНЭХЭЭР ХҮЧГҮЙДҮҮЛСЭНИЙ УРШИГ ХЭМЖИХИЫН АРГАГҮЙ ИХ ДЭЭ. ГАНЦ ЖИШЭА ХЭЛЭХЭД Л ХОРООНЫ ДАРГА Ч ХИЙХЭЭРГҮЙ АЛИМАА Л ГЭХЭД ХОТЫГ ТОЛГОЙЛЖ БАЙВ ШИВ

Avatar

dulmaa 2019-01-04 103.212.116.35

ene olon ih deed surguuliuduugiig hotoos gargaval yasan yum be.

Avatar

Зочин 2019-01-04 192.82.65.224

suruuiliudiin huuhdiin abtobusnii toog l nem.. teged l boloo.. surguuliin amralt aehleheer tugjrel yaj buurch bgaag bugd amidral deer nudeer harj bieeree mederch bna.. surguuli hicheellel baih ued 1 tsag yavaad ochdog bsan gazraa.. surguuli amarsan ued 15 minut l tsartsuulaad ochij bna.. ene yug medruulj bna darga naraaa.. sain bod sain har sain meder.. medremjtee ajilla.. bodit shiidver garga

Avatar

Зочин 2019-01-04 202.179.26.217

Ийм байдалд хүргэсэн М.Энхболдыг шоронд хийх хэрэгтэй.

Avatar

Зочин 2019-01-04 103.9.90.50

ТӨЛБӨРГҮЙ ЗОГСООЛЫН ТООГ НЭМЭХ ХЭРЭГТЭЙ. МАШИНАА ТАВИХ ГЭЖ ТОЙРЧ ДАВХИХ НЬ ТҮГЖРЭЛИЙГ НЭМЭГДҮҮЛЖ БАЙНА.

Avatar

Зочин 2019-01-04 103.9.90.50

ТӨЛБӨРТЭЙ БАЙСАН Ч БОЛНО.

Avatar

Зочин 2019-01-04 64.119.27.179

Насаараа үнэгүй юм хрэглэх гэсэн сэтгэлгээнээсээ салаач.

Avatar

Боргио 2019-01-04 66.181.171.34

Нийтийн тээврийн зарим автобусыг өглөө хичээл орох болон хичээл тарах цагаар сургуулийн автобус болгон өөрчлөөд бусад үед нь шугманд нь явуулдаг гадаад орны туршлага байна шүү дээ. Бодож үзмээр л санагдсан.

Avatar

Зочин 2019-01-04 202.21.112.37

ЭРГҮҮТЭЭД БАЙГААРАЙ, МЕТРОТОЙ ГАЗАР Л ТЭГДЭГ ЮМ. МЕТРО БАЙТУГАЙ ХЭДЭН НИЙТИЙН ТЭЭВРИЙН АВТОБУСАНД ӨГЛӨӨ ОРОЙДОО ИД АЧААЛЛЫН ҮЕЭР СУРГУУЛИЙН АВТОБУС БОЛГОЧИХВОЛ ЮУ БОЛОХ НЬ ТОДОРХОЙ ЭРГҮҮ ДАГЗ

Avatar

BOLD 2019-01-04 90.240.220.30

ZAMIIN TUGJREL NEREER BAAHAN MUNGU IDEHEER BELDEJ BAIGAA YUMUU

Avatar

Зочин 2019-01-04 202.9.43.245

Дугаарын тэгш, сондгойгоор нь хөдөлгөөнд оролцуулбал түгжрэл буурна.

Avatar

Зочин 2019-01-04 66.181.187.69

Өөртөө л тэгш, сондгойгоо сонгоод машинаа унаад бусад өдөр нь автобусдаад явчихаа. Хар хүйтэнд автобус олдохгүй хол явдаг хүмүүсийг шийтгээд яах нь вэ. Тэгш, сондгойгоор явж болохоор байвал машин авч хэрэггүй, жолооны ард сууж бүр ч хэрэггүй. Хааяа хүмүүсийн машинаас селфидчихвэл болох юм бишүү.

Avatar

Зочин 2019-01-04 202.131.233.11

нисэхээс 3,4-р хороолол явдаг шугам нээж өгөөч

Avatar

Зочин 2019-01-04 202.179.17.225

Малуудаа төлбөргүй зогсоолын тоог нэмбэл түгжрэл буурна.

NewsMN Гар утасны хувилбар Татах
NEWS.mn

Мэдээллийн эх сурвалж