ОХУ: Хилчдийн хоёр нохойг зооглосон барыг барьжээ | News.MN

ОХУ: Хилчдийн хоёр нохойг зооглосон барыг барьжээ

Хуучирсан мэдээ: 2019.01.04-нд нийтлэгдсэн

ОХУ: Хилчдийн хоёр нохойг зооглосон барыг барьжээ

ОХУ: Хилчдийн хоёр нохойг зооглосон барыг барьжээ

ОХУ-ын Уссурийскийн хилийн хорооны албаны хоёр нохойг “зооглосон” гэж таамаглаж буй барыг барьсан хэмээн Приморийн “Земля леопарда” үндэсний паркийн ажилтан хэвлэлд мэдээллээ.

Өнгөрсөн долоо хоногт Уссурискийн хилийн хорооны албаны хоёр нохой нэг шөнө алга болжээ. Нохойнууд өөрсдөд нь зориулан барьсан хаалгыг нь түгжсэн байранд байсан аж. Байрны нүүр хэсгийн сараалжин төмрөөс барын үс, ноосны үлдэгдлийг олсон бөгөөд нохойнуудыг бар чирээд явсан гэсэн таамаг дэвшүүлсэн байна. Хилийн энэ хэсэг нь бар нутагладаг "Земля леопарда" үндэсний паркийн газар нутаг дээр байрладаг.

“Байдлыг шинжилж үзээд бар орж ирсэн гэж дүгнэсэн. Гэхдээ ойр хавьд барьж идчихмээр цөөн тооны мал байхад хэд хэдэн хашаа даван нохойнууд руу дайрсан нь сонин юм. Бид ярилцсаны эцэст хилийн хорооны хавьд бичлэг хийх видео камер суурилуулсан. Гэтэл хоёр хоногийн дараа буюу 2018 оны арванхоёрдугаар сарын 31-ний шөнө бичлэгт бар бичигдсэн байсан” хэмээн паркийн ажилтан ярьжээ. Бичлэгээс харахад бар тэр хавиар нэлээд удаан холхиж, хилийнхэн айлгахаар агаарт буудсан ч огт тоогоогүй. Барын арын хөл доголж байжээ. Жаахан холхиж байгаад бар буцаад явсан байна. Дахин хоёр хоногийн дараа бар дахиад “айлчлахад” нь хилчид барьж авчээ.

Барыг Приморийн хязгаарын Ан амьтныг сэргээх төвд шилжүүлэн шинжилж байгаа аж. Учир нь, тэрхүү барын байдал жир бус байгаа нь өвдсөн байх магадлалтай гэж мэргэжилтнүүд дүгнэн ийнхүү шинжилж байгаа юм.

Эх сурвалж: РИА НОВОСТИ

Энэ мэдээнд өгөх таны сэтгэгдэл?
5
ГайхмаарГайхмаар
1
ЗөвЗөв
1
ХахаХаха
1
ХарамсалтайХарамсалтай
0
ХөөрхөнХөөрхөн
0
ТэнэглэлТэнэглэл
0
БурууБуруу
Баярлалаа!

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

wer 2019-01-04 202.55.188.33

hun barival shuud rsaazaar avah heregtei

Avatar

ddd 2019-01-04 49.0.140.68

Hovor amitniig edgeegeed taviasai bilee

Avatar

Зочин 2019-01-04 202.179.26.183

Марзан марзан гарчиг өгөөд л Шал тэнэг. Бар нохой барьж идсэн л байна. Ямар хүн биш…Зооглоод байхдаа ядаг байна. тэнэг :::

Avatar

Зочин 2019-01-04 192.82.64.43

Зоригтой хилчид байна. Цэрэгт хилийн манаанд явж байхад хээр чоно улихаар зүрх үхдэг байлаа н**ш гэж

NewsMN Гар утасны хувилбар Татах
NEWS.mn

Мэдээллийн эх сурвалж