Дэлхийн хэмжээнд үйл ажиллагаагаа явуулдаг Өмнөд Африкийн алмаз, очир эрдэнийн бизнес эрхлэгч De Beers компани Токио хотын Шинжүкү дүүрэгт байрлах Isetan их дэлгүүрт “The Art of Diamond Jewelry” хэмээх тусгай үзэсгэлэн худалдаа гаргажээ. Энэ сарын 21-нийг дуустал үргэлжлэх тус үзэсгэлэн худалдаа их хотын худалдааны дүүрэгт олон нийт, хэвлэл мэдээллийхний анхаарлыг эрхгүй татаж байна.

Очир алмазын талаар өгүүлэх 3D киног дэлгүүрийн гадна талд хананд суурилуулсан дэлгэцээр гаргаж, үзэгч, худалдан авагчид ямар нэг тусгай 3D шилний шаардлагагүйгээр уг киног үзэх боломжтой ажээ. Алмазын тухай дэлгэрэнгүй киног Holtion компани хийсэн байна. Дашрамд дурдахад, Holition өмнө нь бугуйн цаг, үнэт эдлэлийн олон бүтээлийг амьдруулж, 3D кино бүтээж байсан юм.

3D киноноос гадна De Beers компанийн худалдаалдаг үнэт эдлэлийг мөн 3D-гээр танилцуулж байгаа ба киног гаргаж буй компьютерийн дэлгэц нь өөрөө толины үүрэг гүйцэтгэх учир худалдан авагч гараа ойртуулахад дэлгэцэнд хөдөлгөөн нь ойж, улмаар тухайн хүн очир алмаз бүхий үнэт эдлэлийг гартаа зүүж, барьж байгаа мэтээр харах боломжтой гэнэ.

С.Цэлмэг