-Ёкозүна Харүмафүжи Д.Бямбадорж Ичиножёо А.Ичинноров, Гүржийн Точиношинто, Японы Тоёонишима нарт ялагдлаа-

Харү башёгийн ес дэх өдрийн барилдаанд ёкозүна Харүмафүжи Д.Бямбадорж Тоёоношимад окүридаши мэхээр уналаа. Түүний хувьд ийнхүү гурван ялагдалтай болоод байна. Харүмафүжи тэмцээний гурав дахь өдөр үлэмж биет Ичиножёо А.Ичинноровт ялагдаад байсан бол сүүлийн хоёр өдөр Гүржийн Точиношинто, Тоёонишима нарыг дийлсэнгүй.

Энэ өдөр Хакүхо М.Даваажаргал Аойямагаар ес дэх даваагаа авч башёг ганцаараа тэргүүлсэн хэвээр байна.

Найм дахь өдрийг хүртэл Хакүхотай хамт башёг тэргүүлж байсан сэкивакэ Тэрүнофүжи Г.Ган-Эрдэнэ комосүби Миёогирюүгээр ээлжит даваагаа авлаа. Түүний хувьд өчигдөр озэки Кисэносатотай барилдаж, ялагдсан юм.

Маэгаширагийн Тоёоношима ёкозүна Харүмафүжигээр 7 дахь даваагаа авлаа.

Монгол бөхчүүдийн амжилт:

Макүүчи:

• Ёкозүна Хакүхо М.Даваажаргал 9-0
• Ёкозүна Харүмафүжи Д.Бямбадорж 6-3
• Сэкивакэ Тэрүнофүжи Г.Ган-Эрдэнэ 8-1 (озэки Кисэносатод ялагдсан)
• Комосүби Тамаваши Б.Мөнх-Оргил 3-6
• М-1 Ичиножёо А.Ичиннноров 5-4
• М-8 Токитэнкү А.Хүчитбаатар 3-6
• М-10 Кёкүшүхо Т.Эрдэнэбаатар 3-6
• М-11 Кёкүнтэнхо Н.Цэвэгням 4-5
• М-14 Араваши Э.Дөлгөөн 5-4

Жюүрёо:

• Зүүний-1  Кагамио Б.Нанжид 3-6
• Зүүний-4  Сэйро А.Өнөболд 6-3
• Барууны-5  Асасэкирюү Б.Дашням 3-6
• Барууны-6  Таканоива А.Баасандорж 8-1
• Барууны-9 Шёотэнро Д.Нямсүрэн 4-5 гэсэн амжилттай явна.

Ч.БОЛОР