МҮОНРТ-ийн Хүүхэд, залуучуудын редакцын "Цоглог" хөтөлбөрийг олон жил хөтөлсөн бүлтгэр нүдтэй, сэргэлэн охин О.Цэнгэлийг хүмүүс андахгүй. Тэрбээр кино урлагт хөл тавьж “Сайн уу амьдрал минь”, “Боолын гэрээ” “Гоёлын даашинз”  кинонд дүр бүтээгээд багагүй хугацааг өнгөрүүлжээ.

Тэгвэл өчигдөрхөн залуу бүсгүй бие давхар болсон зургаа цахим хуудаснаа нийтэллээ. Тэрбээр "Universe Best Songs" тэмцээний шилдэг оролцогч Г.Мишээлтэй үерхээд нэлээдгүй хугацааг өнгөрүүлсэн.  Хосууд энэ тухайгаа нүүр номдоо "2018 он бид хоёрт маш ихийг өгсөн, амжилт бүтээл арвин, аз жаргалаар дүүрэн он болж өнгөрлөө. Хамгийн чухал нь амьдралаас авч болох хамгийн том бэлгээ авлаа. Нийт найзууддаа манай гэр бүлийн зүгээс шинэ оны мэнд хүргэе" хэмээн бичжээ.

Э.АРИУН