Сонгуулийн өмнөх жил | News.MN

Хуучирсан мэдээ: 2019.01.01-нд нийтлэгдсэн

Сонгуулийн өмнөх жил

УИХ-ын сонгуулиар үнэмлэхүй олонх болж, 65 суудал авахдаа МАН-ынхан төрөө  хямралаас , түмнээ ядуурлаас гаргахаа амлаж байснаа мартаж, улсаа тамирдтал зодолдож байна. Өмнөх дөрвөн жил Ардчилсан намынхан өөрсдөө тамирдтал зодолдож байв.  Урьд нь улс төрийн синдром  хавар хөдөлдөг байсан бол өдгөө дөрвөн улирлын турш синдромтой, мөнгө төлөөд  жүжиг үзэхээр явах ч хэрэггүй болов. Учир нь Монголын улс төр өөрөө хошин шог болсон.

2019 онд бол МАН-ын хувьд төдийгүй Монголын намуудын хувьд хамгийн хариуцлагатай жил байх ёстой. Ирэх 2020 он бол сонгуулийн жил.  Иймээс л энэ онд эрх барьж байгаа нам мөрийн хөтөлбөрөө биелүүлэхийн тулд зүтгэдэг. Гэвч, сонгуулийн өмнө жилийн төлөвийг харахад  МАН-ын зодоон арилахгүй, Монголын хямрал дуусахгүй шинжтэй. Уг нь МАН-аас улс төр, эдийн засгийн хоёрхон том реформ хүссэн, хүлээлтийн байдалтайгаар гурав дахь жилтэйгээ золгож, УИХ нь тэг зогсолттой шинэ оныг угтав.

Ардчилсан намын үед эхлүүлсэн татварын реформ бол У.Хүрэлсүхийн намын хийх ёстой нэг гэрийн даалгавар байв. Татварын багц хуулиудыг УИХ намрын чуулганаар баталж чадсан бол энэ оны нэгдүгээр сарын 1-нээс хэрэгжихээр төлөвлөгөөтэй байлаа. Даанч МАН-ынхан хэрүүлдээ гол ач холбогдлоо өгч хийх ёстой ажлаа хийж чадалгүй нэгэн оныг үдэж, нэгэн онтой золгож байна.

Одоо МАН-д ажил  хийх ганцхан жил үлдсэн. Уг нь ажил хийх хүнд ганц жилийн дотор гайхамшиг ч бүтээж болохыг гадаадын улс орнуудын хөгжил дэвшил харуулсаар. Бүрэн эрхийнхээ дөрвөн жилийн гурвыг нь зөвхөн эрх мэдэл, сандал суудлын хэрүүлд зарцуулсан нь дэндүү харамсалтай. 

Энэ хуулийн гол концепци бол жижиг, том, хот хөдөө гэлтгүй орлого олж байгаа бүхнээс шударга татвар авах явдал.  Монголд огт татвар төлдөггүй ч нийгмийн үйлчилгээг бусдын адил хүртдэг  хүмүүс цөөнгүй бий. Малчид машины ченжүүд, худалдаачид, газрын болон морины наймаачид. Асар их мөнгө эдгээр хүмүүсийн дунд эргэлддэг бөгөөд эндээс татвар авах асуудал байнга хөндөгддөг. Гэхдээ татварын багц хуулийн хүрээнд малчдаас татвар авах асуудал тусгагдаагүй билээ.

Тус намаас хүлээж байсан хоёр дахь реформ бол Үндсэн хуулийн шинэчлэл болоод Улс төрийн намуудын тухай хуулийг өөрчлөх явдал. Гэвч,  чуулганы хуралдаандаа суудаггүй гишүүдэд Төр ба Ард түмний хоорондын гэрээг өөрчлөх эрх байхгүй юм. Тэгээд ч сүүлийн гурван парламент дамжсан энэ асуудлыг М.Энхболдыг парламент хэлэлцэхгүй нь нэн тодорхой, учир нь тэдэнд эв нэгдэл алга. Үндсэн хуулийг өөрчлөхийн тулд УИХ-ын гишүүдийн гуравны хоёр  буюу 50 гаруй гишүүний дэмжлэг байх ёстой.  Харамсалтай нь, өнөөдөр 40 ба 35 гэсэн УИХ-ын хуваагдлыг харахад Үндсэн хуулийн реформыг хийх гэрийн даалгавраа үнэмлэхүй олонх хийж чадахгүй нь.

Монгол ардын нам засгийн эрхэнд гарснаас хойш юу хийж юу өөрчлөгдөв. Яг энэ асуултыг жилийн дараа ард түмэнд тэдэнд тавихын сацуу дүнгээ ч тавина. Парламентад суудалтай намуудын рейтингт унахын хэрээр гуравдагч намуудын орон зай улам томорч, зарим нэг улс төрч шинэ хөдөлгөөн, шинэ нам байгуулахаа ил тод зарлаж байна.

Монголын эдийн засаг эргээд сэргэсэн ч эрсдэлээс бүр мөсөн салаагүй гэдгийг гадна санхүүгийн байгууллагууд сануулсаар байгаа билээ. Тухайлбал “Дэлхийн эдийн засгийн өсөлт 2018 онд 3.1 хувьд тогтвортой хэвээр байж, харин ирэх хоёр жилийн хугацаанд аажим удаашрахаар байна” гэж Дэлхийн банкнаас анхааруулаад “Санхүүгийн зах зээлийн замбараагүй, тогтворгүй байдал үүсэх магадлал ихэсч, зарим хөгжиж буй зах зээл болон хөгжиж буй орнуудын эдийн засаг иймэрхүү нөхцөл байдалд орох эмзэг байдал нэмэгдсэн”-ийг болгоомжлуулжээ.

Монгол Улсын хувьд ОУВС-гийн “Өргөтгөсөн санхүүжилтийн хөтөлбөр”-т 2017 онд орсон бөгөөд гурван жилийн хугацаа нь 2020 онд дуусна. Өөрөөр хэлбэл, ОУВС-гийнхан ч явна, Монголын төрийн эрх барих парламентын ээлжит сонгууль болно.Тэгэхээр энэ он бол эдийн засаг, улс төрийн хувьд хамгийн хариуцлагатай шийдвэрийн жил байх юм.

Б.БАТ

 

Энэ мэдээнд өгөх таны сэтгэгдэл?
2
ТэнэглэлТэнэглэл
1
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЗОЧИН 2019-01-01 202.9.43.167

ЕРӨНХИЙЛӨГЧ, УИХ, ЗГ ЭМГЭНЭЛТ ХОШИГ ЖҮЖИГ ТОГЛОДОГ БОЛЛОО………………..

Avatar

Зочин 2019-01-01 93.135.108.11

УИХ-ыг тарааж шинээр сонгууль явуулаад засгаа шинээр байгуулах нь эрс шинэчлэлийн эхний алхам баймаар. Урьдчилсан сонгуулиас айгаад байх юм юу байна аа? Одоо ард түмэн МАНАНг дахин сонгохгүй байлгүй дээ.Арай ч дээ.

Avatar

Зочин 2019-01-01 93.135.108.11

зочин
Шинэ нийслэл хэрэгтэй болжээ. Үндсэн хуулиа шинэчлээд, төрийн тотолцоогоо цэгцлээд шинэ нийслэлээ хаана байлгахаа тогтоод эрс шинэчлэлээ эхэлцгээе.Ерөнхийлөгч эхлээд үлгэр жишээ үзүүлмээр юм. Нүүж суухад ч цомхон. УИХ,Засгийн газар хоёрыг хэл амаа ололцохыг хүлээвэл утаандаа хордоод дуусах юм байна.
2019 оны 01 сарын 02

Avatar

Зочин 2019-01-01 202.9.43.103

Энэ жил сонгууль болох гээд байгаа юм биш үү?

Avatar

zocnin 2019-01-01 69.76.229.35

SONGUULIAS SONGUULIIN HOOROND BODDOGOO BOLIO LUIVARCNIDAAS AVILGACNIN TOR ERDEM BOLOVROLGUI HULGAICNUUDAAS SALJ BAIBAL MONGOL AANDAAN HOGJINOO ARD TUMEN OODROG URAGSHAA MUU MUUHAI BUHNIIG M,ENHBOLD TERGUUTNIIG HARTSGAAE ZAILYUULTSGAAY ARDAA ORHIIE

Avatar

Зориг 2019-01-01 66.181.187.191

Харин ч одоо л ард түмэн нар харах нь гэж итгэл найдвар дүүрэн хүлээлттэй сайхан он эхэлж байна.

Avatar

Зочин 2019-01-01 66.181.181.112

Замд нь саад тээг болж буй, шударга нэгнийг зайлуулж дураараа аашлахын тулд зохиомол зүйлээр гүтгэн дайрч, цаанаа хууль бус үйлдлээр дүүрэн Засгийн газрыг авч үлдэх, улмаар төрийн эрхийг бүрэн мэдэлдээ авах зорилгоор төрийн дээд байгууллагын ажлыг зориуд гацааж улс орныг хагарал хямралд оруулсан этгээдүүдэд хуулийн хариуцлага хүлээлгэх ёстой. ҮНДСЭН АЖИЛ БОЛОХ ХУРАЛДАА СУУДАГГҮЙ ХҮМҮҮС ҮНДСЭН ХУУЛЬ ӨӨРЧЛӨХ ЭРХГҮЙ!!!!

Avatar

Зочин 2019-01-01 103.26.195.137

харин ч ажил сайн явагдаж байна засгийн зүгээс асуудалгүй харин их хурал ажилаа сайн хийх хэрэгтэй байна

Avatar

Зочин 2019-01-01 66.181.160.41

Хурлдаа суух хүн олдохгүй.Бүгд хөдөөгүүр хэсэж сайд нар нь бяраа гайхуулж олон барилгын нээлт хийж,баяр наадамд мөнгө цацна.Гишүүд бүгд чадлаараа дор бүрнээ мөнгө цацах чухал цаг.Богино санамжтай,ядарсан масст өнгөрсөн нь хамаагүй одоо хамгийн чухал.Нямдорж Улаан мэт нь бүгд сенсаци тарьж шудрага үнэнчийн дүрд тоглож эсрэг талаа буруутгахын тулд маш идэвхитэйгээр жүжиглэнэ.Хэн ч хамаагүй хутга шаагаад шаагаад явна.

Avatar

Зочин 2019-01-01 66.181.160.41

Хурлдаа суух хүн олдохгүй.Бүгд хөдөөгүүр хэсэж сайд нар нь бяраа гайхуулж олон барилгын нээлт хийж,баяр наадамд мөнгө цацна.Гишүүд бүгд чадлаараа дор бүрнээ мөнгө цацах чухал цаг.Богино санамжтай,ядарсан масст өнгөрсөн нь хамаагүй одоо хамгийн чухал.Нямдорж Улаан мэт нь бүгд сенсаци тарьж шудрага үнэнчийн дүрд тоглож эсрэг талаа буруутгахын тулд маш идэвхитэйгээр жүжиглэнэ.Хэн ч хамаагүй хутга шаагаад шаагаад явна.

Avatar

Hurelsuh ogtsroogui uyd ene uls uudluhgui ee 2019-01-01 66.181.185.158

Odoo ajil hiih hun bhgui. Hiisen ajluud ni boon songuuliin show yaana daa yaana

Avatar

Зочин 2019-01-01 202.9.42.162

Женко жанхуу угийн ийм урваач шарваач хагаралдан бутаргагч мафи зантай хүн л дэ. Үүнийгээ савсанануур болохоор нь хүрэлсүхийг урхидаж аваад ард нь жүжиг найруулж суудаг гсн. МоАХ ноос соц димократруу ороол АН руу бас ороол холион бантанг хутгадаг хүн. Төр олон янзаар хувирснаар монгол улс монголын ард түмэн л хохирдог. Энхболд хуулиараа огцрох ёсгүй хүнийг ямар баримтгүй зүйлээр гүтгэн ингэж хагарал үүсгэж бга нь муу удирдагч муу ерөнхий сайдын шинж!!!

Avatar

Зочин 2019-01-01 149.167.33.143

МАН БУДАА БУДАА. МАНАНГ УСТГАЖ ЧАДВАЛ ХУЛГАЙЧУУДЫГ НЬ ШОРОНД ХИЙЖ ШОНД ӨЛГӨН ӨӨ.

Avatar

Монголын улс төр өөрөө 1990 ОНООС ХОЙШ хошин шог болсон 2019-01-01 66.181.182.113

Монголын улс төр өөрөө 1990 ОНООС ХОЙШ хошин шог болсон. ҮҮНИЙГ ЗӨВ БОЛГОХОД ИХЭЭХЭН ЦАГ ХУГАЦАА ХИЧЭЭЛ ЗҮТГЭЛ ШААРДАЖ БАЙГААГ ХАРЖ БАЙНА.

Avatar

bid 2019-01-01 103.26.194.209

Za daa, neg ih zuil huleeh hereggui l bolov uu… Ted zavgui baina. Yun yasan uls ornii hugjild anhaarah…

NewsMN Гар утасны хувилбар Татах
NEWS.mn

Мэдээллийн эх сурвалж