Нийслэлчүүд жил бүрийн он солигдох мөчид Сүхбаатарын талбайд цуглан, тоглолт үзэнгээ шинэ оноо угтдаг уламжлалтай. "Улаанбаатарын мөнгөн шөнө" шинэ жилийн баярын цэнгүүн өнөөдөр /2018.12.31/ 22.00 цагт Сүхбаатарын талбайд эхэлж, 2019 оны нэгдүгээр сарын 01.00 цаг хүртэл үргэлжилнэ.

“Улаанбаатарын мөнгөн шөнө” олон нийтийг хамарсан ёслолын арга хэмжээний дараа иргэдэд нийтийн тээвэр дараах чиглэлд үнэ төлбөргүй үйлчилнэ.

Тухайлбал, шинэ жилийн баярын цэнгүүн өндөрлөхөд их багтаамжийн автобусны 18 чиглэлд 18 автобус Сүхбаатарын талбайн баруун, зүүн болон урд зогсоол буюу зурагт тэмдэглэсэн “А”, “B”, “С”  зогсоолоос суурьшлын цэгүүд рүү үнэ төлбөргүй үйлчлэхээр төлөвлөөд байна.