АНУ-ын Техас мужид Женнифер Медлок гэх нэгэн эмэгтэй 6.7 кг жинтэй хүүхэд төрүүлж, Техасын төрөх эмнэлгийн дээд рекордыг тогтоожээ. Эх болон нярайн биеийн байдал сайн байгаа аж.

Женнифер болон түүний нөхөр Эрик Медлок нар хүүхдээ Али хэмээн нэрлэсэн байна. Хүүхдийн бие хэтэрхий том, мөн Женниферийн биеийн байдал тааруу байсан тул эмч нар кесар хагалгаагаар нярайг эсэн мэнд эх барьж авсан байна.

Гиннесийн дээд амжилтын номонд бүртгэгдсэнээр АНУ-ын Охайо мужид 1879.01.19-ны өдөр Анна Бетйс гэгч бүсгүй 10.8 кг жинтэй хүүхэд төрүүлж байжээ. Харамсалтай нь, хүү хорвоод мэндэлснээс ердөө 11 цагийн дараа нас барсан аж.

Эх сурвалж: Mirror.co.uk