2018 оны чуулганы отгон хуралдаан ирц бүрдээгүйн улмаас хуралдсангүй | News.MN

2018 оны чуулганы отгон хуралдаан ирц бүрдээгүйн улмаас хуралдсангүй

2018 оны чуулганы отгон хуралдаан ирц бүрдээгүйн улмаас хуралдсангүй

2018 оны чуулганы отгон хуралдаан ирц бүрдээгүйн улмаас хуралдсангүй

Монгол Улсын Их Хурлын 2018 оны намрын ээлжит чуулганы өнөөдрийн (2018.12.28) нэгдсэн хуралдаан ирц бүрдээгүй шалтгаанаар найм дахь удаагаа хойшиллоо. Энэ өдрийн 11.03 цаг гэхэд хуралдаанд ирвэл зохих 68 гишүүнээс 35 гишүүн ирж, ирц 46.7 хувьд хүрсэн байлаа.

УИХ-ын 75 гишүүний долоо нь хүндэтгэх шалтгаантай нэгдсэн хуралдаанд хүрэлцэн ирээгүйг УИХ-ын дэд дарга Л.Энх-Амгалан мэдээлээд энэ өдрийн хуралдаанаар хоёр асуудал хэлэлцэхээр төлөвлөөд байсныг дуулгалаа.

Монгол Улсын Ерөнхийлөгч УИХ-д Үндэсний Аюулгүй байдлын талаар мэдээлэл хийх хүсэлтээ ирүүлснийг өнгөрсөн долоо хоногт УИХ-ын даргын дэргэдэх зөвлөлийн хурлаар хэлэлцээд энэ долоо хоногийн чуулганы нэгдсэн хуралдаанаар хэлэлцэх асуудлын дараалалд оруулсан гэдгийг УИХ-ын дэд дарга мэдэгдээд энэ өдрийн хуралдааны хэлэлцэх эхний асуудал байсныг онцлов.

Түүнчлэн Улсын Их Хурлын гишүүн Д.Эрдэнэбатаас Монгол Улсын Ерөнхий сайдад хандан “Ханшийн өсөлттэй холбогдуулж хийсэн интервенци, мөнгөний болон төсвийн бодлогын уялдаа, Засгийн газрын өрийн талаар” тавьсан асуулгын хариуг сонсохоор төлөвлөсөн байна.

УИХ-ын дэд дарга Л.Энх-Амгалан “Монгол Улсын Ерөнхийлөгчөөс мэдээлэл хийх хүсэлт ирүүлсний дагуу УИХ дахь намын бүлгүүдийн дарга нарт албан бичиг хүргүүлсэн. Чуулганы ирц бүрдүүлэх тухай дээрх албан бичигт, Монгол Улсын Үндэсний аюулгүй байдлын зөвлөлөөс 2018 оны 12 дугаар сарын 14-ний өдөр ирүүлсэн албан бичигт Монгол Улсын Ерөнхийлөгч, Үндэсний аюулгүй байдлын зөвлөлийн Тэргүүн УИХ-д 2018 оны 12 дугаар сарын 21-ний өдөр мэдээлэл хийх хуваарьтай байсан билээ. Гэвч УИХ-ын ирц бүрдээгүй учир Монгол Улсын Ерөнхийлөгч, Үндэсний аюулгүй байдлын зөвлөлийн Тэргүүн мэдээлэл хийж чадаагүй болно. Иймд 2018 оны 12 дугаар сарын 27, 28-ны аль нэг өдөр УИХ-ын нэгдсэн хуралдаанд Монгол Улсын Ерөнхийлөгч, Үндэсний аюулгүй байдлын зөвлөлийн Тэргүүн 2018 оны үндэсний аюулгүй байдлын талаар мэдээлэл хийх товыг тогтоон мэдэгдэнэ үү гэсэн байна. Иймд УИХ-ын даргын дэргэдэх зөвлөлөөс баталсан хуваарийн дагуу УИХ-ын 2018 оны 12 дугаар сарын 27, 28-ны өдрийн нэгдсэн хуралдаанд гишүүдээ бүрэн хамруулж ирц бүрдүүлэхийг хүсье" гэсэн албан бичиг хүргүүлсэн гээд өнөөдрийн хуралдаанд хүрэлцэн ирсэн УИХ дахь МАН-ын бүлгийн дарга Д.Тогтохсүрэнг намын бүлгийн гишүүдээ хуралдааны танхимд ирүүлж, ирц бүрдүүлэхийг хүсэв.

Гэсэн ч ирц бүрдээгүй учраас хуралдаан даргалагч, УИХ-ын дэд дарга Л.Энх-Амгалан, товлосон цагаас хойш нэг цаг гаруй хүлээсэн ч хуралдааны ирц бүрдээгүй учир хуралдах боломжгүй болсныг мэдэгдээд иргэд, сонгогчдоосоо уучлал хүсэж, оны отгон хуралдаанд оролцохоор хүрэлцэн ирсэн гишүүдийн нэрийн өмнөөс сонгогчдодоо шинэ оны мэнд дэвшүүллээ хэмээн УИХ-ын Хэвлэл мэдээлэл, олон нийттэй харилцах хэлтсээс мэдээллээ.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-12-28 202.21.100.210

ЦЭРГИЙН ТЭТГЭВЭР ТЭТГЭМЖИЙГ ӨНДӨР НАСНЫ ТЭТГЭВЭР ТОГТООХДОО СҮҮЛИЙН 5 ЖИЛЭЭР БОДОХ БОЛСОН МӨРТЛӨӨ ЭНГИЙН ИРГЭДИЙН ТЭТГЭВЭРИЙГСҮҮЛИЙН ДАРААЛСАН 6-7 ЖИЛЭЭР ТОГТООН ГЭЭД ОРХИЖ БАЙГАА НЬ ХАРАМСАЛТАЙ БАЙНА. ЦЭРГИЙН ТЭТГЭВЭР ЧИНЬ 80 ХУВИАР ЭНГИЙН ТЭТГЭВЭР ЧИНЬ 40 ХУВИАР ТОГТООДОГ ГЭХЭД АРАЙ Л ХОХИРОЛТОЙ БАЙНА ЭНГИЙН ИРГЭДИЙН ТЭТГЭВЭР ТОГТООЛТ?????????????????????????????????????????????????????????

Avatar

Иргэн 2018-12-28 202.126.89.242

Хуралдаа суухгүй байгаа УИХ-ын гишүүдийг шоронд хорих багаднаа?!

Avatar

Зочин 2018-12-28 139.5.216.235

Одоо муу бүхнээ ерөнхийлөгчид тохохнээ.Ерөнхийлөгчийн үгийг авахгүйг мэдсээр байж танай нам л мөн үгийн авах байхдаа,одоо огцрохоос өөр зам үлдээгүй,салах гэр бүлд 1 сарын хугацаа өгдөг биздээ.

Avatar

zochin 2018-12-28 202.179.26.190

ajlaa hiilgeehcee guu bol taraachee, odoo ch hussen huseegui tarah undeslel bii bolj bgaadaa

Avatar

Зочин 2018-12-28 202.179.26.190

ajlaa hiilgeehcee guu bol taraachee, odoo ch hussen huseegui tarah undeslel bii bolj bgaadaa

Avatar

Зочин 2018-12-28 182.160.0.181

buzartai gurwan tolgoigoor udirduulahaar iiml baidald hurnedee

Avatar

иргэн 2018-12-28 122.201.24.228

Ажлаа хийх хүсэлгүй гишүүдийг хурдан чөлөөлөөд улс орноо гэсэн зүтгэлтэй чадалтай ахмадууд болон залуучуудыг гаргаач. Дургүй улсыг гуйж юу хийхэв дээ.

NewsMN Гар утасны хувилбар Татах
NEWS.mn

Мэдээллийн эх сурвалж