Монгол Улсын Ерөнхийлөгчийн зарлигаар өнөөдөр /2018.12.28/ төрийн дээд одон, медалийг гардууллаа. Энэ өдөр Хөдөлмөрийн баатар цолоор Соёлын Гавьяат Зүтгэлтэн, Ардын Уран зохиолч Б.Бааст, Ардын жүжигчин цол тэмдэгээр МУГЖ, Уртын дууч Д.Түвшинжаргал, Гавьяат багш цол тэмдэгээр Монголын хүүхдийн ордоны дуу хөгжмийн багш С.Ганчимэг нарыг тус тус шагналаа.

Мөн Монгол Улсын Гавьяат жүжигчин цол тэмдэгээр Маск продакшны жүжигчин, Соёлын тэргүүний ажилтан М.Баярмагнай, Монгол Улсын Гавьяат тамирчин цол тэмдэгээр Ази тивийн гурван удаагийн аварга, Дэлхийн дѳрвѳн удаагийн хошой аварга, Монголын Бодибилдинг Фитнессийн Холбоо, Champ фитнесс клубын тамирчин Г.Угалзцэцэгийг тус тус шагналаа.

Ш.ОЧ