Английн хөлбөмбөгийн премьер лигийн 19-р тойрог энэ сарын 26-нд явагдаж яг улирлынхаа хагасыг туулав. Зул сарын баярт зориулсан Boxing day буюу хайрцаг задлах өдөр нийт 18 багийн есөн тоглолт явагдсан бол урьд шөнө энэ тойргийн сүүлийн тоглолт олох Саутхэмптон болон Вест Хэм Юнайтед клубуудын тоглолт болсон.

Зул сарын бүх нийтийн амралтын өдөрт зориулсан тоглолтонд хэд хэдэн сонирхолтой тоглолт болов. Лигийн хүснэгтийг тэргүүлэгч Ливерпүүл клуб талбайдааа Ньюкасл клубыг хүлээн авч 4-0 харьцаатай хожиж хойноо яваа багаас бүтэн зургаан онооны зөрүүтэй болсон. Харин дэд байранд бичигдэж буй Манчестер Сити клуб энэ тойрогт Лейстер Сити клубын талбайд зочлон 2-1 харьцаатай хожигдож хүснэгтийн гуравдугаар байр руу унасан бол Тоттенхэм Хотспур клуб талбайдаа Борнмут клубыг 5-0 харьцаатай хожиж хүснэгтийн II байр руу дэвшээд байна.

Тэгвэл ТОП-6 багаас Челси ээлжит хожлоо Уотфордын талбай дээрээс, Манчестер Юнайтед талбайдаа Хаддерсфилд клубыг хожсон бол Арсенал клуб Брайтон энд Хоу Альбион клубын талбай дээрээс тэнцээ авчээ. Ийнхүү Boxing day буюу зул сарын бэлэг задарч премьер лигийн 19-р тойрог өндөрлөв.

Английн премьер лигийн урт улирал ийн талдаа орж байгаатай холбогдогдуулан лигийн өнгөрсөн тойргийг цөөн үгээр тоймлъё.

ЛИГИЙН ХҮСНЭГТИЙН ЭХНИЙ 10 БАГ

1. Ливерпүүл 16 хожил, 3 тэнцээ, 51 оноо
2. Тоттенхэм Хотспур 15 хожил, 4 хожигдол, 45 оноо
3. Манчестер Сити 14 хожил, 2 тэнцээ, 3 хожигдол, 44 оноо
4. Челси 12 хожил, 4 тэнцээ, 3 хожигдол, 40 оноо
5. Арсенал 11 хожил, 5 тэнцээ, 3 хожигдол, 38 оноо
6. Манчестер Юнайтед 9 хожил, 5 тэнцээ, 5 хожигдол, 32 оноо
7. Лейстер Сити 28 оноо
8. Эвертон 27 оноо
9. Вест Хэм Юнайтед 27
10. Уотфорд 27 оноо

ЛИГИЙН ХҮСНЭГТИЙН ДООШ УНАХ БҮСЭД БАЙГАА ГУРВАН БАГ

18. Бөрнли 3 хожил, 3 тэнцээ, 13 хожигдолтой 12 оноо
19. Фулхэм 2 хожил, 5 тэнцээ, 12 хожигдолтой 11 оноо
20. Хаддерсфилд Тоун 2 хожил, 4 тэнцээ, 13 хожигдолтой 10 оноо

Лигийн мэргэн бууч

1. П.Обамеянг (Арсенал клуб) – 13 гоол
2. Х.Кейн (Тоттенхэм Хотспур), М.Салах (Ливерпүү) – 12 гоол
3. Э.Азар (Челси клуб) – 10 гоол
4. Ричарлисон (Эвертон), Р.Стерлинг (Манчестер Сити) – 9 гоол

Лигт хамгийн олон гоолын дамжуулалт өгсөн тоглогч

1. Э.Азар (Челси клуб) – 9
2. Р.Фрайсер (Борнмут клуб) – 8
3. К.Эриксен (Тоттенхэм Хотспур), Л.Сане (Манчестер Сити) – 7

Лигт хаалгаа хамгийн олон хуурай манасан хаалгач

1. А.Бекер (Ливерпүүл) – 12
2. К.Арризабалага (Челси), Эдерсон (Манчестер Сити) – 8
3. У.Льорис (Тоттенхэм Хотспур) – 7

Улирал эхэлснээс хойш дасгалжуулагчаа өөрчилсөн клубууд

• Фулхэм – С.Йоканович явж К.Раниери ирсэн
• Саутхэмптон – М.Хьюз явж Р.Хазенхюттль ирсэн
• Манчестер Юнайтед – Ж.Моуриньо явж О.Г.Сульшер ирсэн

Б.БЯМБАБАЯР