"Хулгайн гэмт хэрэг буурахгүй байгаа нь монголчуудын залхуу зантай холбоотой" | News.MN

"Хулгайн гэмт хэрэг буурахгүй байгаа нь монголчуудын залхуу зантай холбоотой"

"Хулгайн гэмт хэрэг буурахгүй байгаа нь монголчуудын залхуу зантай холбоотой"

"Хулгайн гэмт хэрэг буурахгүй байгаа нь монголчуудын залхуу зантай холбоотой"

Сүүлийн жилүүдэд хулгай гэмт хэрэг өсч, энэ гэмт хэрэгт залуучууд холбогдох нь ихэсчээ. Хулгайн гэмт хэрэг ихэсч буй шалтгаан, нөхцөл байдлын талаар  Цагдаагийн ерөнхий газрын урьдчилан сэргийлэх хэлтсийн чиглэлийн ахлах мэргэжилтэн, цагдаагийн дэд хурандаа Б.Чулуунтамир цөөн хором ярилцлаа.


-Сүүлийн үед хулгайн гэмт хэрэг их гарах болсон гэх мэдээлэл хэр бодитой вэ?

2018 оны арваннэгдүгээр сарын байдлаар 33 мянган гэмт хэрэг цагдаагийн байгууллагад бүртгэгдсэн байна. Энэ нь өмнөх оныхоос 15 хувиар өссөн үзүүлэлт юм. Бүртгэгдсэн 33 мянган гэмт хэргийн 40 хувь нь дан хулгай. 20 гаруй  хувь нь зодоон. Үлдсэн арван хувь нь зам тээврийн ослын гэмт хэрэг байгаа бол дөрвөн хувь нь залилан мэхлэх гэмт хэрэг.

Эрүүгийн хуульд 264 төрлийн үйлдлийг гэмт хэрэг гэж зүйлчилсэн байдаг. Үүнээс дөрөвхөн  гэмт хэрэг нь  80 хувийг дангаараа эзлээд цаана нь үлдсэн 260 үйлдэл нь 20 хувийг эзэлж байна.  Ер нь сүүлийн арван жилийн байдлаар гэмт хэргийн  гаралт жил ирэх тусам өссөн.

Монгол Улсад  жилд хулгайн гэмт хэргийн хохирлын хэмжээ 14 тэрбум төгрөг байдаг. Тэрхүү хулгайн эд зүйлийн 80 хувь нь ломбардаар дамжиж, энгийн иргэдэд очдог. Харин үлдсэн нь ченжүүдээр дамжиж алга болдог. Хулгайн эд зүйл ийм л хоёр замаар дамжиж, борлогддог гэсэн үг. Уг нь дээрх  дөрвөн гэмт хэргийн гаралтыг  бууруулж чадах юм бол Монгол Улс дахь гэмт хэргийн тоон мэдэгдэхүйц буурна.

Тэгвэл хулгайн гэмт хэрэг буурахгүй өсөөд байгаагийн шалтгаан нь юу байна вэ?

-Хамгийн гол нь монгол хүний суурь хүмүүжил буюу залхуу зан их нөлөөлж байна. Барилгын туслах ажилтан өдөрт 50, 60 мянган төгрөгийн цалинтай ажиллуулъя гэхэд хүн олдохгүй. Тэгсэн мөртлөө ажилгүй залуус биеийн хүчний ажил хийхээсээ илүү айлын хаалга хулгайгаар онгойлгохыг илүүд үзэж байна.  Тухайлбал, гэмт хэргийн гаралт хамгийн багатай орон бол Япон. Учир нь япончууд хувь хүний ухамсар, соёл гэдгийг асар өндөрт буюу нэгдүгээрт авч үздэг. Хувь хүний соёл, төлөвшил сайн болоод ирвэл гэмт хэргийн гаралт буурна. Зүүн Азийн орнуудад хулгайн гэмт хэрэг бага гардаг нь хувь хүний ухамсартай холбоотой байдаг.

-Мэдээж  хулгайн гэмт хэргийн талаар ярихаар цаана нь байгаа ченж нарын талаар ярихгүй өнгөрч болохгүй байх?

Хулгайчдын ард ченжүүд байдаг. Хулгайн эд зүйлийн  үнэлгээг нь 100 хувь  гэж үзэх юм бол 60 хувийн  ашгийг ченж  нар  авдаг бол үлдсэн 40 хувийг хулгайч нар өөрсдөө авдаг.  Ашиг нь ченж  нарт хэд дахин илүү ирдэг.  Би түрүүн   жил ирэх тусам хулгайн гэмт хэргийн гарал өссөөр байна гэж дурдсан.

Өмнө нь хулгайчтай хөөцөлдөөд шийтгэл оногдуулахын төлөө явж  байсан бол одоо хулгайн гэмт хэргийг өөгшүүлж байгаа ченж нарын үйл ажиллагааг таслан зогсоохын  тулд ажиллаж байна. Тиймээс ломбард руу чиглэсэн хяналт шалгалтыг хийсээр байна. Түүнээс биш ломбардын ойр  орчинд гарч байгаа  гэмт хэргийн мэдээллийн тоо нь маш бага. Бараг гэмт хэрэг гардаггүй гэмээр.

2019 оны нэгдүгээр сарын 1-ээс эхлээд Хууль зүйн яам, Үндэсний дата төвтэй хамтраад интернетэд суурилсан  үнэгүй программ буюу мэдээллийн санг ломбардуудын компьютерт суулгаж эхэлнэ. Энэ нь  эргээд ломбард ажиллуулж байгаа хүндээ ч ашигтай. Сард хэчнээн төгрөгийн эд зүйл олсон, орлого зарлагын тооцоо буюу бизнес эрхлэгчдийн  хар дэвтэр шиг мэдээллийн сан үүснэ гэсэн үг.

-Хулгайн эд зүйл гэдгийг нь мэдсээр байж худалдаж авдаг, хулгайчдыг энэ үйлдлээрээ өөгшүүлдэг ченж нэртэй хүмүүст ямар хариуцлага ногдуулдаг вэ ?

-Эрүүгийн байцаан шийтгэх хуулийн 155 дугаар зүйлээр ийм гэмт хэрэг үйлдсэн этгээдэд хариуцлага ногдуулдаг. Тодруулбал, 155.1.Гэмт хэрэг үйлдэж олсон эд хөрөнгө гэдгийг мэдсээр байж урьдчилан амлалгүйгээр авсан, хадгалсан, борлуулсан бол хөдөлмөрийн хөлсний доод хэмжээг 5-50 дахин нэмэгдүүлсэнтэй тэнцэх хэмжээний төгрөгөөр торгох, эсхүл нэгээс гурван сар хүртэл хугацаагаар баривчлах ял шийтгэнэ” гэж заасан байдаг.

Э.БУРАМ

"Болор дуран"-аар шалгав.
Энэ мэдээнд өгөх таны сэтгэгдэл?
1
ГайхмаарГайхмаар
0
ЗөвЗөв
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-12-28 182.160.0.248

hulgai yu gej buurah wedee TURIIN TUSHEE ERUNHII SAIDAARAA tolgoilson saiduud ni turuus humslaad baihad hulgai ihseh ni gartsaagui asuudal shuudee tiim tom heregeee shiidej chadahgui ym baij jijeg hulgaich naraar huutsulduud ch yah ym hayh hergtei bizdee

Avatar

Пяхлуу 2018-12-28 202.9.43.115

Хармааны хулгай яах вэ жижиг асуудал, жинхэнэ том хулгай бол ЖДҮ-гийн хулгай. Тэд нартай л тэмц. Цагдаа нар хулгайч сайд дарга нарт долигонож ёслоод энгийн нэг халаасны хулгайч нарын араас гүйгээд хэрэггүй.

Avatar

Зочин 2018-12-28 122.223.161.106

mmm medeej bidnii suuri humuujil buruu… buh yum buruu bgaa.. gehdee ajil her oldotstoi bna ve udriin 50k barilga deer haluutsan daaran ajillaa sariin 1 saya… yag unendee sard 1 saya 500k-s l deesh bish bol bair ch avch cahdahgui ayataihan hool ch ideh bolomhgui yum bishuu. zalhuu zalhuu l gene tsaana chin ehner huuhedee hoolloh mungu us tog halaalt internet gar utas bairnii tulbur geed zunduu l yum garna shu dee. biznes erheldeg garuud adilhan mongolchuuddaa gaigui tsalin uguuch!!!

Avatar

Зочин 2018-12-28 202.9.42.88

хулгайн бараа авсан ломбардны хүнд эрүүгийн хариуцлага тооцох хууль байдаг юм уу ?

Avatar

зочин 2018-12-28 203.91.115.43

Монгол Улсад жилд хулгайн гэмт хэргийн хохирлын хэмжээ 14 тэрбум төгрөг байдаг. Энэ андуураад бичсэн байлгүй дээ Ерөнхийлөгчөөс эхсүүлээд албан тушаалтнуудын хулгай хийсэнийг бичвэл арай л өөр тоо гарна даа хөөрхий муу халаасны хулгайч нарыг яахнав

Avatar

Зочин 2018-12-28 150.129.140.8

Хулгай, авилгал хоёр ондоо зүйл шүү дээ. Энийгээ мэдэхгүй байж юун тэмцэх адуу мал шиг юмнууд ингэж эргүүтэж гүйхэд эх орон яана вэ

Avatar

Ерөнхий сайд нь өөрөө хулгайч 2018-12-28 65.49.68.193

Ерөнхий сайд, Ерөнхийлөгч нь өөрсдөө хулгайч, дээрэмчин юм чинь яаж ард түмэн тайван байх юм бэ. Нүүрэн дээрээ гэмгүй царайлаад цаанаа бүгд хулгайч. Эднийг шийтгэхгүй байна. Хууль үйлчлэхгүй бн. Албан тушаалаараа дарамталж байна. Монголд шудрага, үнэнчээр ажиллаж болохгүй хууль гаргах хэрэгтэй болж байна.

Avatar

Дээрээ бөөн хулгайч нартай 2018-12-28 65.49.68.193

Дээрээ баахан хулгайч нар хулгай хийгээд байхад ард түмэн яаж ажилтай, амьдралтай, орлоготой байх юм бэ? Баахан хулгайч дээрэмчингүүд ард түмний нүүрэн дээр ил цагаан хулгай хийж байгааг харсан залуус адилхан л хулгай хийнэ биз дээ. Дээр суудлаа олохгүй бол доороо гүйдлээ олохгүй нь ойлгомжтой.

Avatar

Зочин 2018-12-28 103.14.36.82

utas awna utas awna

Avatar

xylgaich 2018-12-28 73.172.92.192

elbegdorj emxbold nar xylgai xiicheed shorond oroxgyi baigaa ni tanidag tsagdaa ni xamgaalaad baigaa ychraas yu,

Avatar

Зочин 2018-12-28 202.21.116.6

hulgailsan ed zuiliin hohirliig n hulgaichaar ajil hiilgej baragduuldag bolgoh heregtei. hulgaid yumaa aldsan hun hohirood ongordog, ter tusmaa amijirgaanii batalgaajih tuvshnees dooguur unetei bol eruu uusgehgui shuud sulladgaa bolimoor baina.

Avatar

Зочин 2018-12-28 202.126.89.101

Та нар ямар тэнэг юм бэ. Шүүх цагдаа тэгэх ёстой гээд байх юм. ХУЛГАЙГ ТӨР БОДЛОГООР дэмждэг учраас оршин тогтоноод байгааг олж харахгүй байна уу. Та харахгүй байгаа бол хүн биш мал байна. ЯДУУРАЛ 99 % -г мал болгодог юм.

Avatar

shuumj 2018-12-28 66.181.170.2

Хамгийн гол нь хулгайчдад ямар ч арга хэмжээ авдаггүйд гол учир байгаа, юмаа алдсан хүн нь л хохирно, нөгөө хулгайлсан хүн ямар ч арга хэмжээ авахуулаагүй болохоор яах ч үгүй улам л урам зоригтойгоор даргааийн хулгайгаа хийгээд байна ш дээ, цагдаа шүүх нь эвлэрцэн энэ тэр, ямар ч өчиггүйгээр хулгай хийсэн тоо тутамд нь зүгээр л хуруунуудыг нь цавчаад хаяад байвал хулгай байхгүй болно шүү, нээрээ шүү, тэгж байж л ажил хийж байж мөнгө олох нь зөв юм байна гэж ухаарна,

NewsMN Гар утасны хувилбар Татах
NEWS.mn

Мэдээллийн эх сурвалж