Герман улс дахь исламын шашны сүм хийдүүдэд орж ирж буй гадаадын санхүүжилтийг зогсоохын тулд сүсэгтнүүдээс татвар авдаг болох саналыг исламын сүм хийдийн тэргүүн нар  болон ХБНГУ-ын Засгийн газар дэмжсэн байна.

Герман улсад христийн шашны католик болон протестант урсгалыг шүтдэг хүмүүс өөрийн харьяалагддаг сүмийн үйл ажиллагаагааа дэмжихийн тулд заавал татвар төлөх тухай хууль хэрэгждэг байна. Сүсэгтнүүдээс авсан тус татвар нь муж улсын төсвийн багагүй хувийг эзэлдэг. Түүнийг нь Засгийн газар буцаагаад сүм хийдүүдэд хандив хэлбэрээр олгодог бөгөөд  томоохон хөрөнгө оруулалт болдог байна. Өөрөөр хэлбэл, шашин шүтдэг ихэнх хүмүүс нь аль нэг сүмд харьяалагддаг бол жил бүр тодорхой хэмжээний татвар төлөх үүрэгтэй аж.

Харин энэ удаа исламын шашинтнуудаас татвар авдаг болохоор төлөвлөж байгаа юм. Ингэснээр исламын сүм хийдүүдийн санхүүжилт нэмэгдэж, үйл ажиллагаагаа илүү сайжруулах, хандивлагчдаасаа хараат бус байх боломж бүрдэнэ. Одоогийн байдлаар Германд үйл ажиллагаагаа явуулж буй исламын сүмүүдийн санхүүжилт нь голдуу хандиваас бүрдэж байна.

Албан ёсны статистикийн үзүүлэлтээс харвал Германд 4.4-4.7 сая исламын шашинтан амьдарч байгаа юм.

Эх сурвалж: DW