“Авто зам ашигласны төлбөр авах журам” батлагдлаа | News.MN

“Авто зам ашигласны төлбөр авах журам” батлагдлаа

“Авто зам ашигласны төлбөр авах журам” батлагдлаа

“Авто зам ашигласны төлбөр авах журам” батлагдлаа

Нийслэлийн Засаг даргын 2015 оны 02 дугаар сарын 11-ний өдрийн А/128 дугаар захирамжаар “Нийслэлийн авто зам, замын байгууламжаар зорчиж байгаа тээврийн хэрэгслээс авто зам ашигласны төлбөр авах журам”, нийслэлийн бүртгэлтэй тээврийн хэрэгслээс авах авто зам ашигласны төлбөр болон Улаанбаатар хотын шалган бүртгэх товчоогоор нэвтрэх орон нутгийн тээврийн хэрэгслээс авах авто зам ашигласны төлбөрийн хувь хэмжээг Авто замын тухай хуулийн 21 дүгээр зүйлийн 21.1-т заасан “…орон нутгийн чанартай болон аж ахуйн дотоодын замаар зорчиж байгаа тээврийн хэрэгслээс төлбөр авах журам, төлбөрийн хэмжээг аймаг, нийслэлийн Засаг дарга тогтооно” гэсний дагуу баталж мөрдүүлж ирсэн.

Авто замын тухай хууль шинэчлэгдэн батлагдаж 2017 оны 07 дугаар сарын 01-ний өдрөөс эхлэн мөрдөж эхэлсэн бөгөөд хуулийн 30 дугаар зүйлийн 30.1-т “…нийслэл, орон нутгийн чанартай авто зам, замын байгууламж ашигласны төлбөр авах замын чиглэл, замын урт, төлбөрийн хэмжээг тухайн аймаг, нийслэлийн иргэдийн Төлөөлөгчдийн Хурал тогтооно”, 30.3-т “Нийслэл, орон нутгийн чанартай болон авто зам, замын байгууламж ашигласны төлбөр авах үйл ажиллагааны журмыг аймаг, нийслэлийн Засаг дарга баталж, мөрдүүлнэ” гэж тус тус заасан байна.

Хуулийн дээрх зохицуулалтын дагуу Нийслэлийн Засаг даргын 2015 оны А/128 дугаар захирамжийг шинэчлэгдэн батлагдсан Авто замын тухай хуульд нийцүүлэн өөрчлөлт оруулж, нийслэл, орон нутгийн чанартай авто зам, замын байгууламж ашигласны төлбөр авах замын чиглэл, замын урт, төлбөрийн хэмжээг нийслэлийн Иргэдийн Төлөөлөгчдийн хурлын тогтоолоор батлуулах зайлшгүй шаардлагатай болсон тул төслийг өргөн бариад байна.

Харин Авто замын тухай хуулийн 30 дугаар зүйлийн 30.3 дахь заалтыг үндэслэн Нийслэлийн Засаг даргын А/1225 дугаар захирамжаар “Нийслэлийн авто зам, замын байгууламжаар зорчиж байгаа тээврийн хэрэгслээс ногдуулан авах авто зам ашигласны төлбөр авах журам”-д “Төлбөрийн үйлчилгээний ажилтан”-г сонгон шалгаруулан авч, хөдөлмөрийн гэрээ байгуулан удирдлага арга зүйгээр ханган батлагдсан бүтэц, төсөвт багтаан ажиллана гэсэн заалтыг нэмж тусган шинэчлэн батлууллаа.

Нийслэлд бүртгэлтэй албан татвар, төлбөр төлсөн тээврийн хэрэгслийн 40 гаруй хувь, мөн орон нутгийн бүртгэлтэй албан татвар, төлбөр төлсөн тээврийн хэрэгслийн 8 хувьд үйлчилгээ үзүүлдэг эдгээр 31 ажилтан татвар, хураамжийг төлөгчдөд ойртуулан, чирэгдэлгүй үйлчилж, нийслэлийн төсвийн орлого бүрдүүлэхэд өндөр ач холбогдолтой байдаг гэж Улаанбаатар хотын Захирагчийн ажлын албанаас мэдээллээ.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-12-27 103.26.193.93

ХУРААМЖ АВАХ ГЭЖ БӨӨН ОЧЕР БОЛГОЖ БУХИМДУУЛДАГ

Avatar

Bold o 2018-12-27 223.33.164.246

AN nam zam tavij tolboriig ni MAN nam nemj huraaj bh shib dee MAN nam buteelch yum yu ch hiideggui tatbar huraamj nemehee l sain medne mangaruud 7 uuliin tsaaguur dald oroosoi..Noit iin tatbar AN nam sanaachilsan Man garuud shimiig ni hurtej bn

Avatar

зол 2018-12-27 165.241.31.254

Ойлгомжгүй мэдээ бичих юм аа. Журамаа баталсан юм байх гээд унштал тийм агуулгатай өгүүлбэр олсонгүй.

Avatar

Зочин 2018-12-27 79.98.213.82

Төслөө өргөн барьж байгаа юм уу Хурал нь баталчихсан юм уу. Ойлгомжтой мэдээ тавил даа."Болор дураан" юуг нь нягтлав даа

Avatar

МАН 2018-12-27 79.98.213.82

Албан татвар, хураамжаа нэмж, төсвийн алдагдлаа нөхөхөөс өөр юм сэтгэж чадахгүй байгаа Засгийн газар, хотын захиргааны малнууд зайлцгаавал таарна.

Avatar

Зочин 2018-12-27 122.201.22.161

төлбөр авахаа боль. замын нөхцөлөөс болж осолд ороход юу ч хялаалгадггүй. тусламж ч ирдэггүй шүү дээ.

Avatar

Зочин 2018-12-27 103.9.90.50

Тийм. Яг үнэн. Эхлээд иргэнээ бодохгүй эсрэгээр ажиллалаад байдаг төр засаг шүү.

NewsMN Гар утасны хувилбар Татах
NEWS.mn

Мэдээллийн эх сурвалж