Дэлхийн Католик шашинтны тэргүүн Ромын Пап Францис Ватикан дахь Гэгээн Василисиагийн сүмд болсон Зул сарын баярыг эхлүүлэх ёслол дээр үг хэлэхдээ дэлхийн хөгжингүй орны ард иргэдийг материаллаг амьдралаас татгалзаж, аль болох энгийн амьдрахыг уриалжээ. Мөн тэрбээр дэлхийд баян ядуугийн ялгаа асар их байгааг шүүмжилсэн байна.

Тэрбээр хэлэхдээ “Өөрсдөөсөө асууж үзээрэй. Энэ олон төрлийн өндөр үнэтэй зүйлс бидэнд үнэхээр хэрэгтэй юу, эдгээр зүйлс байхгүй байсан бол бид амьдарч чадахгүй гэж үү, маш олон хүмүүсийн хувьд амьдралынх нь утга учир нь өөрт хэрэгтэй хэрэггүй асар их өмч хөрөнгө цуглуулах болоод байна. Харин эсрэгээрээ дэлхийн нөгөө талд хэдэн зуун сая хүн зүсэм талхаар амь зогоож байна шүү дээ” гэжээ.

Эх сурвалж: BBC