"Predator League 2019" цахим спортын тэмцээнд оролцох Монголын Dota2 төрлийн багийг ирэх нэгдүгээр сарын 3-аас 12-ны хооронд тодруулах гэж байна.  Дэлхийн цахим спортын шилгүүдийг тодруулах "Predator gaming"-ээс зохион байгуулж буй уг тэмцээний ялагч 400 мянган ам.долларын эзэн болох юм.

Монгол дахь тэмцээний эхний шат нэгдүгээр сарын 3-10-ны хооронд зохиогдож, 2019 оны нэгдүгээр сарын 12-нд болох финалын тоглолт дээр шилдэгийн шилдэг багийг шалгаруулах халз тулаанд оролцох хоёр багийг тодруулна. Шигшээ тоглолтонд шалгарсан хоёр баг үндэсний шилдэгийг шалгаруулах өрсөлдөөнд оролцож, шалгарсан цорын ганц аварга баг 2019 оны хоёрдугаар сард Тайланд улсын Бангкок хотод болох "Predator League 2019 Finals" тэмцээнд оролцох эрхийг хожно. Мөн уг тэмцээнд оролцох эрх хожсон монгол баг нь 6 сая төгрөгийн шагнал авах юм.

Тэмцээний бүртгэл энэ сарын 25-ыг хүртэл үргэлжлэх бөгөөд оролцох хүсэлтэй багууд дараах холбоосоор бүртгүүлэх шаардлагатай юм байна.

https://www.predator-league.com/?fbclid=iwar3hjbch_yzufvzc3dagaszzpxkh820i6y6i2btavg-h046psghllbbdvxw

Г.Түшиг