НӨАТ-ын урамшууллын 2018 оны арваннэгдүгээр сарын сугалааны ээлжит тохирол өнөөдөр /2018.12.23/явагдана. Тодруулбал, 2018 оны арваннэгдүгээр сарын 1-нээс арваннэгдүгээр сарын 30-ны өдөр хүртэлх хугацаанд худалдан авалт хийсэн баримт сугалаанд хамрагдана.

Энэ удаагийн тохирлоос  супер шагнал болох 200 сая төгрөгийн эзэн тодрох юм.

Сугалааны тохирлыг арын оронгоос эхлэн тодруулах бөгөөд таны баримтын арын найман орон тохирсон бол та 50 сая төгрөг, долоон орон тохирсон бол 10 сая, зургаан орон тохирсон тохиолдолд таван сая төгрөг, таван орон тохирсон бол нэг сая,  дөрвөн орон тохирвол 200 мянга, гурван орон тохирсон бол та 50 мянган төгрөг хожих юм. Харин Супер азтан өмнөх тохиролд тодроогүй учир 25 сая төгрөг нэмэгдэж, нийтдээ 200 сая төгрөг хожих боломж бүрдсэн байна.

Э.ЖОНОН