Нийслэлийн статистикийн газраас долоо хоног тутамд өргөн хэрэглээний бараа бүтээгдэхүүний үнийн судалгааг танилцуулдаг. 2018 оны арванхоёрдугаар сарын гуравдугаар долоо хоногийн махны үнэ ханшийн мэдээллийг хүргэе.

• Хонины ястай мах нэг килограмм нь дунджаар 6750 төгрөг. Өмнөх долоо хоногтой харьцуулахад хонины ястай махны үнэ 70 төгрөгөөр (1.0%) өсч, харин хонины цул махны үнэ тогтвортой байлаа. Энэ долоо хоногийн ажиглалтаар хонины мах “Хархорин” хүнсний захад хамгийн хямд буюу 5600 төгрөгөөр, харин “Меркури” хүнсний захад хамгийн өндөр үнэтэй буюу 7500 төгрөгөөр худалдаалж байна
• Үхрийн ястай мах нэг килограмм нь дунджаар 8445 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 25 төгрөгөөр (0.3%), үхрийн цул махны үнэ 70 төгрөгөөр (0.7%) тус тус өссөн байна. Энэ долоо хоногийн ажиглалтаар үхрийн мах “Хүчит Шонхор”, “Хархорин” хүнсний захуудад хамгийн хямд буюу 7500 төгрөг, Харин “Меркури” хүнсний захад хамгийн өндөр үнэтэй буюу 9500 төгрөг байна.

ГУРИЛЫН ҮНЭ 

2018 оны арванхоёрдугаар сарын гуравдугаар долоо хоногт нийслэлийн хүнсний томоохон зах, дэлгүүрт “Алтан тариа” савласан нэг кг дээд гурил нь 1250-1500 төгрөг, нэгдүгээр гурил 1000-1200 төгрөг, хоёрдугаар гурил 800-1000 төгрөг байна.

Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй нэг кг “Алтан тариа” дээд гурилын үнэ 1250-1400 төгрөгийн үнэ ханштай байна. Харин “Барс” хүнсний захад “Алтан тариа” дээд гурил 1250 төгрөг, нэгдүгээр гурил 950 төгрөгөөр тус тус зарагдаж байна.

“Атар” талх хүнсний зах, дэлгүүрт 1200-1320 төгрөгийн үнэтэй байна. “Баянзүрх”, “Бөмбөгөр”, “Барс”, “Хархорин” хүнсний захуудад “Атар” талхыг хамгийн хямд буюу 1200 төгрөгөөр, харин “Сансар” супермаркетад хамгийн өндөр үнээр буюу 1320 төгрөгөөр худалдаалж байна.

ХҮНСНИЙ НОГООНЫ ҮНЭ

2018 оны арванхоёрдугаар сарын гуравдугаар долоо хоногт байцаа өмнөх долоо хоногтой харьцуулахад 0.5 хувиар өсч 1060 төгрөгөөр, хүрэн манжин 2.8 хувиар буурч 1385 төгрөгөөр тус тус худалдаалагдаж байна.

Эх сурвалж: НИЙСЛЭЛИЙН СТАТИСТИКИЙН ГАЗАР