Монголын үндэсний олимпийн хорооны тэргүүн дээд “Бөртэ чоно” шагнал гардуулах арга хэмжээ өнөө орой Соёлын төв өргөөнд болно. Монголын спортын салбарын шилдгүүдийг тодруулах энэхүү шагнал гардуулах ёслолын “Оны шилдэг эрэгтэй, эмэгтэй тамирчин”, “Спорт тоглоомын баг”-ийг Монголын спортын сэтгүүлчдийн холбооны гишүүн, спортын сэтгүүлчдийн саналаар тодруулдаг уламжлалтай.

Оны шилдэг эрэгтэй тамирчинд долоо, эмэгтэйд 11 тамирчин амжилтаараа тунаж үлджээ. Мөн шилдэг багт амжилтаараа бусдыгаа манлайлсан таван баг шалгаран үлдсэн байна. Өнөөдөр эрэгтэй, эмэгтэй шилдэг тамирчдаас гадна шүүгч, спорт холбоод, олимпийн зөвлөл зэрэг “Бөртэ чоно”-ын эзэд тодорно.

2017 оны шилдгийн шилдэг тамирчнаар боксчин Д.Отгондалай, жүдоч Д.Сумъяа, дасгалжуулагчаар Х.Эрдэнэт-Од нар шалгарч байсан билээ. Мөн сагсан бөмбөгийн 3х3 багийн залуус “Бөртэ чоно”-ын эзэд болж байсан юм.

2018 ОНЫ ШИЛДЭГТ НЭР ДЭВШИГЧИД:

Эмэгтэй тамирчин:

• Б.Амина /Шатар/ Их мастерийн болзол хангасан
• Б.Гангаамаа /Уулын спорт / Дэлхийн хоёр дахь өндөр уул К-2 уулын ноён оргилд гарсан
• Г.Нандинзаяа: /Буудлага/ Азийн наадмын алт хүрэл медальт
• М.Нандинцэцэг /Бокс/-ДАШТ-ий хүрэл медальт
• Г.Наранцэцэг /Самбо/ ДАШТ-ий хүрэл медальт, Азийн наадмын аварга
• О.Насанбурмаа /Чөлөөт бөх/ ДАШТ-ий мөнгөн медальт
• Д.Сумъяа /Жүдо/ ДАШТ-ий хүрэл медаль, Азийн наадмын хүрэл медальт
• М.Уранцэцэг /Жүдо/ Азийн наадмын хүрэл медальт, ДАШТ-ий тавдугаар  байрын шагналт
• Ү.Үүрийнтуяа /Шатар/ Их мастерийн болзол хангасан
• Э.Хүслэн /Даам/ Азийн аварга шалгаруулах тэмцээний хүрэл медальт, ДАШТ-д оролцох эрх авсан
• Б.Шоовдор /Чөлөөт бөх/ ДАШТ-ий хүрэл медальт, Азийн аварга шалгаруулах тэмцээний хүрэл медаль

 Эрэгтэй тамирчин:

• Э.Эрдэнэбаяр /Чөлөөт бөх/ Азийн наадмын аварга
• Ө.Дүүрэнбаяр /Жүдо/ ДАШТ-ий хүрэл медальт, ДАШТ-ий хүрэл хүрэл медальт, Азийн наадмын мөнгөн медальт
• Л.Отгонбаатар /Жүдо/ ДАШТ-ий хүрэл медальт, Азийн наадмын хүрэл медальт
• Ц.Отгонбилэг /Даам/ Азийн аварга шалгаруулах тэмцээний мөнгөн медальт, ДАШТ-д оролцох эрхээ авсан
• Т.Түвшинтулга /Чөлөөт бөх/ДАШТ-ий хүрэл медальт
• Э.Цэндбаатар /Бокс/ Азийн наадмын аварга
• Ш.Эрдэнэбаатар /Самбо/ ДАШТ-ий хүрэл медальт, Азийн наадмын мөнгөн медальт

 Спортын баг:

• 3*3 Сагсанбөмбөгийн эрэгтэй шигшээ баг-Азийн аварга шалгаруулах тэмцээнээс мөнгөн медаль хүртсэн
• Мөсний хоккейн Шигшээ баг-Challenge Cup-тэмцээнд анх удаагаа түрүүлсэн
• Хөлбөмбөгийн  эрэгтэй шигшээ баг-Зүүн Азийн аварга шалгаруулах тэмцээний эхний шатанд аваргалж, хоёрдугаар шатанд шалгарсан
• Хөлбөмбөгийн эмэгтэй шигшээ баг-Зүүн Азийн аварга шалгаруулах тэмцээний эхний шатанд аваргалж, хоёрдугаар шатанд шалгарсан
• Сагсанбөмбөгийн эмэгтэй шигшээ баг-Азийн наадмын шөвгийн наймд шалгарсан