“Баянзүрх” захын хүнсний лангуунууд шатжээ | News.MN

“Баянзүрх” захын хүнсний лангуунууд шатжээ

Хуучирсан мэдээ: 2018.12.19-нд нийтлэгдсэн

“Баянзүрх” захын хүнсний лангуунууд шатжээ

“Баянзүрх” захын хүнсний лангуунууд шатжээ

Хуучнаар Хүнс хөдөө аж ахуй хөнгөн үйлдвэрийн яамны урд орших “Баянзүрх” захад өчигдөр 21.00 цаг өнгөрч байхад гал гарсан талаар өмнө нь бид мэдээлсэн.

Өнөөдөр өглөө биднийг сурвалжлага хийхээр тус захад очиход хаалга бүрийн урд тууз татсан байлаа. Зах руу хүн оруулахгүй байв. Учир нь зах дотор цагдаа нар үзлэг хийж буй юм. Шилэн хаалганы гаднаас харахад цагдаа нар лангуунууд руу гэрэл тусган, тэмдэглэл хийж байгаа харагдав. Харин захын гадна хэдэн эмэгтэйчүүд цугласан байсан нь худалдаачид юм. Тэднээс хэчнээн төгрөгийн бараа галд өртсөн талаар асуухад “Нэг хүнсний лангуунд хамгийн багадаа 500 гаруй мянган төгрөгийн бүтээгдэхүүн байдаг. Гэхдээ дотор үзлэг хийж байгаа гээд биднийг дотогш оруулахгүй байна. Тиймээс чухам хэчнээн лангуу галд өртсөн, ямар хэмжээний хохирол учирсанаа мэдэхгүй байна” гэсэн тайлбар өглөө.

Нийслэлийн Онцгой байдлын газрын Гал түймэртэй тэмцэх хэлтсийн ахлах мэргэжилтэн, дэд хурандаа Ж.Алтанхуягаас бид галын шалтгааны талаар тодруулсан юм.  Тэрбээр “Баянзүрх дүүргийн VI хороо “Баянзүрх” захад гал гарлаа гэх дуудлагыг өчигдөр /2018.12.18/ 21.57 цагт авсан. Дуудлагын дагуу  Чингэлтэй дүүргийн Онцгой байдлын I хэлтэс очиж, 25 минутын дотор галыг унтраасан. Биднийг очих үед хүнсний зургаан лангуу галд өртсөн байсан. Галыг унтраасны дараа Баянзүрх дүүргийн Цагдаагийн хэлтэст хүлээлгэн өгсөн. Тэд галын шалтгааныг тогтоохоор ажиллаж байгаа” гэлээ.

Бидэнд олдсон нэмэлт мэдээллээр урьдчилсан дүгнэлтээр худалдааны төвийн нэг давхарт эхэлж гал гаран, хоёр, гуравдугаар давхруудад тархсан байна. Гал тархсан нэг, хоёрдугаар давхарт хүнсний, гэр ахуйн болон гоо сайхны барааны лангуунууд байрладаг аж.

Энэ хэрэгт Баянзүрх дүүргийн Цагдаагийн хоёрдугаар хэлтэс хэрэг нээн, галын бүсэд байсан худалдаа эрхлэгчдийг бүртгэн, холбогдох хүмүүсээс тайлбар, мэдүүлэг авч хохирлын хэмжээг тогтоохоор ажиллаж эхэлжээ.

Холбогдох газрууд галын шалтгаан нөхцлийг тодруулахаар ажиллаж байгаа бөгөөд урьдчилсан байдлаар цахилгааны богино холболтоос гал гарсан байж болзошгүй нөхцөл байдал илэрчээ.

Энэ мэдээнд өгөх таны сэтгэгдэл?
11
ХарамсалтайХарамсалтай
1
ХөөрхөнХөөрхөн
0
ЗөвЗөв
0
ХахаХаха
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

с 2018-12-19 203.169.48.34

Хүмүүсээ цахилгааны утас кабель уртасгагч энэ тэр гэж зүйлүүд чинь ачаалал даах чадал ямар юм залгаж болох вэ энэ тэр гээд ганц олон зүйлийг бодолцон авч байгаачээ. хямдханыг нь л аваад баахан юм залгаад байвал тэгээд шатаад л байна шүү дээ.

Avatar

Saruul 2018-12-19 112.72.11.115

Odoo ene khunsnii languug bolimoor yum uurgee sain guitaetgesen shu de odoo bol super market

Avatar

Зочин 2018-12-19 49.0.212.38

Цагаан шар тос, хайлмаг бүгд өмхий үнэр орох шахсан. Дандаа ил задгай. Босоо хоргон хөргөгч байхгүй. Ямарч боломжгүй лангуунуудаас өндөр түрээс аваад. Их дэлгүүрийн тэр цөцгий маслтай хольж тавьж болохгүй шүү. Eр нь устгавал зохино. Хульхи шар тоснууд. Одоо ийм юмаа больчооч. Хагартлаа баяжчихаад.

Avatar

Шудрага 2018-12-19 88.23.169.228

Хор зараад хун хулхидаад байхлаар бурхан шийтгэж байх талтай

Avatar

Зочин 2018-12-19 139.5.218.186

Нэгнээ хорлохоо болиосой. Дандаа чанар муутай утаснаас болж гал гардаг бол хятад орос 2 шатаад дуусчихсан байгаа шдээ.

Avatar

Зочин 2018-12-19 202.70.40.154

МАШ ЗАМБАРААГҮЙ, БОХИР, ЗОХИОН БАЙГУУЛАЛТГҮЙ ГАЗАР

Avatar

zochin 2018-12-19 202.179.24.110

yaandaa ymar chechuu um be dee!!

NewsMN Гар утасны хувилбар Татах
NEWS.mn

Мэдээллийн эх сурвалж