Венесуэлийн иргэний цэргийн тоо 1.6 саяд хүрсэн гэв | News.MN

Венесуэлийн иргэний цэргийн тоо 1.6 саяд хүрсэн гэв

Венесуэлийн иргэний цэргийн тоо 1.6 саяд хүрсэн гэв

Венесуэлийн иргэний цэргийн тоо 1.6 саяд хүрсэн гэв

Венесуэлийн Ерөнхийлөгч Николас Мадуро өчигдөр /2018.12.17/ цэргийн ёслолын жагсаалын бие бүрэлдэхүүнд хандаж хэлсэн үгэндээ “улс эх орноо гаднын түрэмгийллээс хамгаалахад туслах иргэний хамгаалалтын цэргийн тоо 1.6 саяд хүрээд байна” хэмээн хэлжээ. Тус цэргийн ёслолын жагсаал болон Мадурогийн хэлсэн үгийг нь  Венесуэлийн телевизээр шууд дамжуулан хүргэсэн байна. Венесуэлийн иргэний цэргийн тоо 1.6 саяд хүрсэн гэдэг нь энэ оны эхэн үеэс даруй гурав дахин өссөн гэсэн үг юм.

Венесуэлийн иргэний хамгаалалт буюу “Боливарын иргэний хамгаалалтын цэргүүд”

Цэргийн тоо нэмэгдсэн тухай мэдээллийг Н.Мадуро АНУ Венесуэлийг эзлэхийг санаархаж байгаа тухай мэдэгдсэнээс хэдхэн хоногийн дараа өгч буй нь энэ юм. Тухайлбал, Николас Мадуро нь өнгөрсөн долоо хоногт сэтгүүлчдэд хийсэн мэдээллийнхээ үеэр өөрийнх нь амь насанд халдахыг завдсан хэргийн ард АНУ байгаа хэмээн ямар нэгэн нотлох баримтгүйгээр гүтгэсэн. Тэрбээр АНУ-ыг өөрийнх нь амийг хөнөөж, улсад нь төрийн эргэлт гаргах санаархалтай байгаа гэжээ. Венесуэл улс нь 20 гаруй жил үргэлжилсэн социалист дэглэмийн дараа эдийн засгийн хямралд өртөж, улс оронд нь эмх замбараагүй байдал газар авсан байгаа юм. Ерөнхийлөгч Мадурог өнгөрсөн наймдугаар сард Венесуэлийн нийслэл Каракас хотод болсон зэвсэгт хүчний ойн баярын жагсаалын үеэр хөнөөхийг завдсан хэрэг гарсан байна.

Н.Мадуро “Цэргүүд маань шүдээ хүртэл зэвсэглэх болно. Гаднын империалист гүрнүүд эх орныг маань булаан эзлэхийг завдаж байна. Гэхдээ тэд биднийг яаж ч чадахгүй гэдгээ мэдэж авах ёстой ” гэж хэлсэн ч улсынх нь зэр зэвсгийн нөөц ямар байгаа тухай огт дурдаагүй байна.

“Боливарын иргэний хамгаалалтын цэрэг” гэдгийг 2008 онд Венесуэлийн Ерөнхийлөгч асан Уго Чавес зэвсэгт хүчинд туслах зорилгоор, сайн дурын иргэдээс бүрдүүлсэн билээ.

Эх сурвалж: Ройтерс

 

"Болор дуран"-аар шалгав.
Энэ мэдээнд өгөх таны сэтгэгдэл?
4
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-12-18 103.14.38.130

Манайх шиг эрэгтэй, эмэгтэйгүй бүгдийг нь 3 жилээр цэрэгт татаад 2 саяар цалинжуулдаг газар шиг байна.

Avatar

Ард Аюуш 2018-12-18 202.72.245.220

ДЭЛХИЙД ХАМГИЙН ИХ НЕФТИЙН НӨӨЦТЭЙ УЛСЫГ ИЙМ БОЛГОНО ГЭДЭГ СӨРӨГ ГАЙХАМШИГ ШҮҮ. МАНАЙД БАС 76 МАДУРА БИЙ. ДЭЛХИЙД НЭГ ХҮНД НООГДОХ ГАЗАР НУТАГ, МАЛ СҮРЭГ, ГАЗРЫН ДООРХИ БАЯЛГААРАА НЭГД ОРОХ УЛСЫГ ДАРААГИЙН ВЕНЕСУЭЛ БОЛГОХ ГЭЭД ЗҮТГЭЭД БАЙДАГ БИД ТЭРЭНД НЬ ТУСЛААД ДАХИН ДАХИН СОНГООД БАЙДАГ

Avatar

Хоол 2018-12-18 180.149.96.90

Иргэний хамгаалалтын цэрэгт бүртгүүлбэл нэг удаа үнэгүй хоол өгдөг

Avatar

зочин 2018-12-18 66.181.166.196

Манайх удахгүй энэ Венесуэлийг гүйцэж түрүүлнэ шүү, энэ янзаараа бол

Avatar

Зочин 2018-12-18 202.9.43.3

яг манай ирээдүй. манайх бас өөрсдөө ямар ч буруугүй, ямар нэгэн хятад л манайхыг эзлэх гээд байна гээд л мунхруулчихна, яг үнэндээ нөгөө хятадуудын ихэнх нь манайхыг тоох ч гүй, үлдсэн нь хөөрхий энэ хэдэн малнууд ингээд л хоорондоо тэмцэлдээд байхын гэж шоолдог байх даа

Avatar

Зочин 2018-12-18 202.21.106.116

Sunuj bna daa huurhii ene uls. Manius araas ni aasui

Avatar

Zochin 2018-12-18 43.243.161.23

Manai Eronhii said shig gar uu ugui yu ? kkk

NewsMN Гар утасны хувилбар Татах
NEWS.mn

Мэдээллийн эх сурвалж