Монголын залуучуудын холбооноос жил бүр зохион байгуулдаг “Next stop” хүндэтгэлийн ёслол энэ сарын 29-нд болно. Өдгөө 26 дахь жилдээ зохион байгуулах гэж буй уг ёслолоор нийгэм, улс төр болон эдийн засаг, бизнесийн шилдэг төлөөллийг шалгаруулдаг уламжлалтай. Гэвч энэ үйл ажиллагаа нь шинийг хийж бүтээж яваа, шилдэг залуусыг шалгаруулахаас илүү ашгийн төлөөх бизнесийн үйл ажиллагаа болжээ. Учир нь, уг ёслолын үйл ажиллагаа хүн бүрт нээлттэй гэж байгаа ч тасалбар нь 555 мянган төгрөгийн төлбөртэй юм. Хамгийн гол нь энэ удаагийн ёслолын ажиллагааны таксны үнэ яагаад ийм байгаа, ямар хүмүүс нь ийм мөнгөөр шилдэг болгох бол гэх мэт шүүмжлэлүүд дагуулаад эхэлжээ.
Сонирхуулахад, нийгэм, улс төр болон эдийн засаг, бизнесийн салбарын шилдэг төлөөлөл номинацид 45-аас доош насны шилдэг залуусаас шалгаруулдаг байна. Шалгаруулалтыг онлайнаар олон нийтийн санал асуулгаар шалгаруулдаг бөгөөд энэ сарын 27-ныг хүртэл санал хурааж мөн сарын 29-нд шагналыг гардуулах гэнэ.
