Авлигатай тэмцэх газрынхан өчигдөр (2018.12.14 )Капитал банкны төв оппист үзлэг нэгжлэг хийжээ. Өдрийн 15.00 цагаас эхэлсэн ажиллагаа шөнийн 01.00 цаг хүртэл үргэлжилсэн гэх мэдээлэл байгаа юм. Ингэхдээ бичиг баримтууд хураан авчээ.

УИХ-ын гишүүн Б.Ундармаагийн хувь эзэмшдэг “Капитал” банк Жижиг, дунд үйлдвэрлэлийг хөгжүүлэх сангаас энэ онд 48 тэрбум төгрөгийн зээл авсан гэх асуудал хөндөгдөх болсон. Зөвхөн энэ оноор тогтохгүй өмнөх жилүүдэд ч мөн тус сангаас зээл авсан гэх мэдээллүүд хөвөрч буй. Үүнтэй холбоотойгоор АТГ-ынхан мөрдөн шалгах ажиллагаа явуулж, нэгжлэг явуулсан бололтой.

Зарим мэдээллийг хэрэгслээр өчигдөр Чингэлтэй дүүрэгт орших "Капитал" банкны төвийг АТГ-ынхан битүүмжиллээ гэж мэдээлсэн. Албан эх сурвалжлаар энэ нь үгүйсгэгдлээ, битүүмжлээгүй, харин үзлэг нэгжлэг хийсэн гэж тодотгосон юм.

Г.ХОРОЛ