Жил бүрийн арванхоёрдугаар сарын 7-17-ны хооронд улсын хэмжээнд жилийн эцсийн мал тооллогыг зохион байгуулдаг.  Мал тооллого хуваарийн дагуу өнөөдөр найм дахь өдрөө үргэлжилж байна.

Мал тооллогыг зохион байгуулснаар өрхийн хөрөнгийн баталгаа, баримт, түүх, малчдын ажил эрхлэлт, нийгмийн байдал, мал аж ахуйн салбарын эдийн засгийн хувь нэмэр, бодит байдал, анхаарах асуудлыг тодорхойлоход шаардлагатай тоон мэдээллийг бий болгодог.

Энэ жилийн хувьд гурван жилд нэг удаа явуулдаг хашаа, худаг, тэжээлийн тооллогыг мөн гаргаж буйгаараа онцлог аж.

Монгол Улс энэ онд 80 гаруй сая толгой малтай болсон. Харин жилийн эцсийн тооллогоор  хэд байна вэ гэдэг нарийвчлан гарна.