Лий Жонг Ёл нарыг 32 сая 275 мянган төгрөгөөр торгох ялыг хэвээр үлдээв | News.MN

Лий Жонг Ёл нарыг 32 сая 275 мянган төгрөгөөр торгох ялыг хэвээр үлдээв

Лий Жонг Ёл нарыг 32 сая 275 мянган төгрөгөөр торгох ялыг хэвээр үлдээв

Лий Жонг Ёл нарыг 32 сая 275 мянган төгрөгөөр торгох ялыг хэвээр үлдээв

Улсын Дээд шүүхийн хяналтын шатны эрүүгийн хэргийн шүүх хуралдаанаар БНСУ-ын иргэн Лий Жонг Ёл, Гу Дун Хён нарт холбогдох эрүүгийн хэргийг хохирогч, иргэний нэхэмжлэгчийн өмгөөлөгчийн гаргасан гомдлын дагуу 2018 оны арванхоёрдугаар сарын 14-ний өдөр хянан хэлэлцээд анхан болон давж заалдах шатны шүүхийн шийдвэрийг хэвээр үлдээлээ.

Сүхбаатар дүүргийн Эрүүгийн хэргийн анхан шатны шүүх Ухаа худагаас Гашуун сухайт чиглэлийн төмөр замын ажил гүйцэтгэх гэрээтэй холбоотой хэргийг 2018 оны тавдугаар сарын 31-ний өдөр хянан хэлэлцээд прокуророос Лий Жонг Ёлд Эрүүгийн хуулийн 17.3 дугаар зүйлийн 2.1, 2.2,  17.4 дүгээр зүйлийн 2.1, 2.2-д  зааснаар яллах дүгнэлт үйлдэж ирүүлсэн 4 үйлдэл бүхий хэргээс 2 хэргийг, Гу Дун Хёнд Эрүүгийн хуулийн 17.4 дүгээр зүйлийн 2.1, 2.2-д  зааснаар яллах дүгнэлт үйлдэж ирүүлсэн хэргийг Эрүүгийн хэрэг хянан шийдвэрлэх тухай хуулийн 1.5 дугаар зүйлийн 1.1-д зааснаар гэмт хэргийн шинжгүй хэмээн үзэж, тус тус хэрэгсэхгүй болгож шийдвэрлэжээ.

Харин Лий Жонг Ёлыг бусдын итгэмжлэн хариуцуулсан эд хөрөнгийг завших гэмт хэргийг албан тушаалын байдлаа ашиглан үйлдэж, их хэмжээний хохирол учруулсан гэм буруутайд тооцож, Эрүүгийн хуулийн тусгай ангийн 17.4 дүгээр зүйлийн 2.1, 2.2-д зааснаар 40 сая төгрөгөөр торгох ял шийтгэж, түүний цагдан хоригдсон 515 хоногийг торгох ялд дүйцүүлэн тооцож, торгох ялын хэмжээг 32 сая 275 мянган төгрөгөөр тогтоосныг Нийслэлийн Эрүүгийн хэргийн давж заалдах шатны шүүх хэвээр үлдээсэн юм.

Эх сурвалж: УЛСЫН ДЭЭД ШҮҮХ

"Болор дуран"-аар шалгав.
Энэ мэдээнд өгөх таны сэтгэгдэл?
2
ХарамсалтайХарамсалтай
1
ХахаХаха
1
ТэнэглэлТэнэглэл
0
ЗөвЗөв
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2018-12-14 202.9.42.190

Төмөр зам тавих нэрээр төрийн мөнгөөр шороо овоолсон хулгайч женко ял завшуулсан шүүгч зоригт нарыг яллах цаг ирнэ гэдэгт итгэж байнаа

Зочин 2018-12-14 103.9.91.34

Шүүгчдийн буянаар нэг удаа ч болов төгрөг доллараас үнэ цэнэтэй мэт харагдлаа.

иргэн 2018-12-14 202.70.36.210

Энэ бол гутамшиг, шүүгч нар өөрсдөө авилгалд идэгдсэн гэдгээ дахин баталласэн байна

зочин 2018-12-14 66.181.189.68

зөвөө зөв

Зочин 2018-12-14 202.131.242.254

Төмөр зам барина гээд улсын 280 сая доллар үрэн таран болсон хэрэг ингээд 32 сая төгрөгийн торгуулаар хаагдаж байгаа хэрэг үү ?

NewsMN Гар утасны хувилбар Татах
NEWS.mn

Мэдээллийн эх сурвалж