Хэнтий аймгийн ЗДТГ-ын төлөөлөгчид зочиллоо | News.MN

Хэнтий аймгийн ЗДТГ-ын төлөөлөгчид зочиллоо

Хэнтий аймгийн ЗДТГ-ын төлөөлөгчид зочиллоо

Хэнтий аймгийн ЗДТГ-ын төлөөлөгчид зочиллоо

Нийслэлийн Засаг даргын Тамгын газар болон харьяа байгууллагуудын үйл ажиллагаатай Хэнтийн аймгийн Засаг даргын Тамгын газрын төлөөлөгчид танилцаж, туршлага судлах уулзалт боллоо. Төлөөлөгчдийг нийслэлийн Засаг даргын үүргийг түр орлон гүйцэтгэгч Ж.Батбаясгалан, нийслэлийн Засаг даргын Тамгын газрын дарга М.Отгонбаяр болон хэлтэс албадын дарга нар хүлээн авлаа.

Нийслэлийн Засаг даргын Тамгын газрын зүгээс иргэдэд үзүүлж буй төрийн үйлчилгээ, нийслэлийн нутгийн захиргааны байгууллагын бүтэц, зохион байгуулалт, бусад аймаг орон нутагтай хэрхэн хамтран ажиллаж байгаа талаар  танилцууллаа. Мөн Бодлого, төлөвлөлтийн хэлтсийн дарга Г.Өлзийбаяр Улаанбаатар хотод хэрэгжиж буй бүтээн байгуулалтын төсөл арга хэмжээний талаар,  НЗДТГ-ын Санхүү, төрийн сангийн хэлтсийн дарга Э.Ганхүү Улаанбаатар хотын санхүүгийн чадамж, жилийн төсөв, төлөвлөгөөний талаар мэдээлэл өглөө.

Нийслэлийн ЗДТГ-ын зүгээс төрийн албан хаагчдыг чадавхжуулах, сургалтад хамруулах талаар анхаарч ажиллаж байгаа. Ирэх онд энэ чиглэлээр хийж хэрэгжүүлэхээр олон ажил төлөвлөсөн. Мөн төрийн үйлчилгээг иргэдэд чирэгдэлгүй, шуурхай хүргэх үүднээс 47 үйлчилгээг цахим хэлбэрт шилжүүлсэн талаар нийслэлийн ЗДТГ-ын дарга М.Отгонбаяр хэллээ.

Нийслэлийн хөгжил зөвхөн хотын хөгжил бус бүс нутгийн хөгжлийг дэмжиж, хөгжүүлэх нь чухал гэдгийг онцлон тэмдэглэлээ. Хөгжлийн алтан гурвалжин бодлого энэ чиглэлээр түлхүү ажиллаж орон нутаг, нийслэл хэрхэн хамтран ажиллах гарц болж буйг тодотголоо.

Хэнтий аймгийн ЗДТГ-ын дарга Ж.Ганбаатар халуун дотноор хүлээн авсанд талархал илэрхийлж нийслэлд хэрэгжүүлж буй бодлогын чанартай ажлуудыг Хэнтий аймагт нутагшуулах, иргэдэд үйлчлэх үйлчилгээнд нэвтрүүлж ажиллана гэдгээ илэрхийллээ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж