Биатлоны спортын дэлхийн цомын 2018-2019 оны улирлын хоёр дахь гараа өчигдөр /2018.12.13/ Австрийн Хохфильценд эмэгтэй 7.5 км-н ойрын зайн спринт уралдаанаар эхэллээ. Австрид ялагчаар Италийн Д.Вирер хоёр удаагийн буудлагаас нэг сум алдаж 21 мин 04.9 сек-н амжилт үзүүлж тэмцээний ялагч болсон байна. Д.Вирер 56-аар гарсан бөгөөд Финланд биатлонч К.Макарайнены амжилтыг 0.6 сек-ээр ахиулан энэ улирлын анхны, карьерынхаа тав дахь түрүүгээ хүртэв.

Эмэгтэй 7.5 км-н спринт төрлийн ТОП-10 биатлонч

1. Д.ВИРЕР (ИТАЛИ) – 0-1, 21 мин 04.9 сек
2. К.МАКАРАЙНЕН (ФИНЛАНД) – 0-1, +0.6 сек
3. Е.ЮРЛОВА-ПЕРХТ (ОХУ) -0-0, +24.4 сек
4. Л.Виттоцци
5. М.Хойниш
6. И.Крикова
7. П.Фиалкова
8. А.Шевалье
9. И.Старых
10. А.Кузмина

Энэ улирлыг Итали бүсгүй Д.Вирер жигд, сайн эхлүүлж байна. Словенид хоёр гараанд дэд байранд шалгарсан бол ийнхүү Австрид улирлын анхны түрүүгээ хүртэв. Тэгвэл Орос бүсгүй Е.Юрлова 2 жилийн дараа хувийн гараанд шагналын тавцан дээр гарч байна. Өнөөдөр /2018.12.14/ тэмцээний эрэгтэй 10 км-н ойрын зайн спринт уралдаан явагдана.

Б.БЯМБАБАЯР