Их Британийн эзэн хааны Букингем ордоны цонхноос нүцгэн эрэгтэй доош бууж буй бичлэг өнгөрсөн өдрүүдэд шуугиан тариад байна. Герман жуулчдын хийсэн санаандгүй бичлэг “Youtube” сайтад тавигдсанаар 1.3 сая удаа үзэж, нүцгэн эрэгтэйн талаар олон таамаг дэвшүүлжээ. Зарим сэтгэгдэлд Азийн орнуудад айлчлал хийж яваа Их Британийн ханхүү, Кембрижийн гүн Уильям гэртээ төлөвлөснөөс эрт ирснээс Кейт Миддлтоны нууц амраг зугтаж буй гэх таамгийг дэвшүүлсэн байх аж.

Та ч бас энэ эрэгтэй ямар учиртайг гайхаж магадгүй. Тэгвэл энэ нь ирэх ням гаригт /III.15/ цацагдах “The Royals” телевизийн цувралыг сурталчлах зураг авалтын нэг хэсэг байжээ.

Б.АНХТУЯА

Эх сурвалж: Daily news