МҮОХ-ны Ерөнхийлөгч Д.Загдсүрэн ажлаа өгөх хүсэлт гаргалаа | News.MN

МҮОХ-ны Ерөнхийлөгч Д.Загдсүрэн ажлаа өгөх хүсэлт гаргалаа

МҮОХ-ны Ерөнхийлөгч Д.Загдсүрэн ажлаа өгөх хүсэлт гаргалаа

МҮОХ-ны Ерөнхийлөгч Д.Загдсүрэн ажлаа өгөх хүсэлт гаргалаа

Монголын үндэсний үндэсний олимпийн хорооны Гүйцэтгэх зөвлөлийн гишүүдийн хурал өчигдөр/2018.12.12/ болж, дараах асуудлуудыг хэлэлцэн шийдвэрлэв.

  • “Азийн хүүхдүүд” олон улсын өвлийн спортын анхдугаар наадамд оролцох Монголын багийн ахлагчаар МҮОХ-ны Гүйцэтгэх зөвлөлийн гишүүн Ч.Амарсанааг томилов. Тус наадам нь 2019 оны 02 дугаар сарын 08-17-ны өдрүүдэд ОХУ-ын Сахалин мужид зохиогдох бөгөөд найман спортын төрөл/уран гулгалт, гүйлтийн цана, цанатай харайх, хоккей, биатлон, сноубоард, шорт трек, уулын цана/-өөр 20 улсын 1500 гаруй өсвөрийн тамирчид оролцох юм.

  • Үндэсний олимпийн хороодын холбоо/ANOC/-ны ивээл дор Дэлхийн элсний спортын анхдугаар наадам 2019 оны 10 дугаар сарын 10-15-ны өдрүүдэд 15 спортын төрлөөр АНУ-ын Сан Диего хотноо зохиогдох билээ. Тус наадамд оролцох Монголын багийн ахлагчаар МҮОХ-ны Гүйцэтгэх зөвлөлийн гишүүн А.Ганбаатар томилогдов.
  • ОУОХ-ноос МҮОХ-ны одоогийн мөрдөж буй дүрэм нь Олимпийн Харти болон Сайн засаглалын зарчимд бүрэн нийцэж буй тухай баталгаажуулсан захидалтай танилцав.

Уг захидалд 2016 оны есдүгээр сарын 16-ны өдрийн МҮОХ-ны Гишүүдийн хурлаар баталсан, 2017 оны гуравдугаар сарын 22-ны өдөр ОУОХ-гоор батлагдсан МҮОХ-ны дүрэмд тодорхойлсон байгаа санал өгөх систем нь Олимпийн төрлийн спорт холбоодын төлөөлөгчдийн санал олонхи байх шаардлагыг хангасан болохыг дурдаад холбогдох хүмүүст ОУОХ-ны албан ёсны байр суурийг мэдэгдэж, энэхүү тайлбарыг хүргүүлэхийг санал болгов.

Одоогийн мөрдөгдөж буй дүрмийн дагуу Олимпийн төрлийн спорт холбоодын 3 төлөөлөгчид тус бүр санал өгөх эрхтэйгээр Олимпийн чуулганд оролцох бол дүрэмд өөрчлөлт оруулах шаардлагагүй бөгөөд хэрэв МҮОХ-ны гишүүдийн хурлаар Олимпийн төрлийн спорт холбоодын 1 төлөөлөл нь 3 санал өгөх эрхтэйгээр Олимпийн чуулганд оролцох бол МҮОХ-ны Гишүүдийн хурлаар хэлэлцүүлж, дүрэмд өөрчлөлт оруулан батлуулах ба ОУОХ-нд дахин илгээж баталгаажуулах журамтай болохыг мэдэгдэв.

  • МҮОХ-ны дүрэмд нэмэлт өөрчлөлт оруулах ажлын хэсгийг байгуулав.

Ажлын хэсгийн бүрэлдэхүүн:

Ахлагч – Ж.Түмэн-Аюуш /МҮОХ-ны Гүйцэтгэх зөвлөлийн гишүүн/

Гишүүд – Э.Бадар-Ууган /МҮОХ-ны ЕНБД/

– Ч.Зоригтбаатар /Монголын хөнгөн атлетикийн холбооны ЕНБД/

– Ц.Нэргүйбаатар /Архангай аймгийн “Мехико” Олимпийн зөвлөлийн дарга/

– Ч.Бат-Эрдэнэ /Монголын даамны холбооны Хүндэт ерөнхийлөгч/

  • МҮОХ-ны Гишүүдийн хурлын товыг 2019 оны 01 дүгээр сарын 25-ны өдөр хуралдуулахаар өөрчлөлт оруулав.
  • МҮОХ-ны Ерөнхийлөгч Д.Загдсүрэн нь 2018 оны арваннэгдүгээр сард Монгол улсын хуулийн дагуу тэтгэвэр тогтоолгох эрх нээгдсэн тул МҮОХ-ны дүрмийн 16.6, 14.2-р заалтыг үндэслэн МҮОХ-ны Ээлжит бус Олимпийн чуулганыг 2019 оны дөрөвдүгээр сарын 25-ны өдөр хуралдуулж, МҮОХ-ны Ерөнхийлөгчийн сонгуульт ажлаа хүлээлгэн өгөх хүсэлт гаргав.

Уг хүсэлтийг 2019 оны нэгдүгээр сарын 25-ны өдөр хуралдах Гишүүдийн хуралд оруулахаар тогтов.

МҮОХ-ны дүрмийн 16.6-р заалт: Шаардлагатай тохиолдолд МҮОХ-ны ээлжит бус Чуулган болон Гишүүдийн хурлыг нийт санал өгөх эрхтэй гишүүдийн 75-аас дээш хувийн эсвэл Гүйцэтгэх зөвлөл, Ерөнхийлөгчийн бичгээр гаргасан саналыг үндэслэн хугацаанаас нь өмнө зарлан хуралдуулж болно. Ээлжит бус хурал нь ээлжит хуралтай ижил горимоор болно.

МҮОХ-ны дүрмийн 14.2-р заалт: МҮОХ-ны чуулганыг хуралдуулах хугацааг 3 сараас доошгүй хугацааны өмнө МҮОХ-ны гишүүдийн хурлаас зарлана.

Эх сурвалж: МОНГОЛЫН ҮНДЭСНИЙ ОЛИМПИЙН ХОРОО

"Болор дуран"-аар шалгав.
Энэ мэдээнд өгөх таны сэтгэгдэл?
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Загдсүрэн зайлжээ. 2018-12-13 202.21.106.106

Загдсүрэн зайлжээ. Аль эрт ингэх байсан юм. Үнэнд дийллээ.

Avatar

монгол 2018-12-13 202.126.89.1

Олимпийн хороо гэж нийгмийн хог шаарнуудын цуглуулга юм уу? Энэ Загдсүрэн ялтан, Сандуй оффшор, оффшор луйварчин Сү Батболдын хүү, урвагч бөх шуналтан Бат-Эрдэнэ, Элбэгдоржийн АСЕМчин Ганбаатар нар ч байх шиг. Яачихсан газар вэ

Avatar

ЦЭЦЭГ 2018-12-13 103.26.194.244

ЗАГДСҮРЭН М.ЭНХБОЛДЫН ХҮН ГЭСЭН МЭДЭЭЛЭЛ СОШИАЛААР ЯВЖ ЭНЭ АЛБАН ТУШААЛААС НЬ ОГЦРУУЛАХ ГЭЭД ДӨНГӨӨГҮЙ БИЗДЭЭ. ОУОХ-НООС ОЛГОДОГ МӨНГИЙГ АШИГЛАСАН ЭНЭЭ ТЭРЭЭ ОЛИМПИЙН ХОРООНЫ ГАЗРААС ЗАРСАН МАРСАН ГЭЭД БӨӨН АСУУДАЛД ОРООЦОЛДООД Л БАЙСАН САНАГДАНА ЭРТХЭН ТЭТГЭВЭРТЭЭ ГАРАХГҮЙ БОЛ АСУУДАЛ БОСОХ БАЙХ ГЭЖ БОДОЖ БАЙГААН БАЙЛГҮЙДЭЭ

Avatar

иргэн 2018-12-13 122.201.31.219

бөхийн холбооны асуудал энд давтагдаж б.аа

Avatar

Зочин 2018-12-13 66.181.161.93

Одоо дараагийн сонгууль алаан болох нь тодорхой бөхийн хүрээнийхэн Допингоо аргалахаас авхуулаад улайрч дайрах нь тодорхой

Avatar

үнэнхүү 2018-12-13 150.129.143.216

МҮОХ-ны дүрэмд нэмэлт өөрчлөлт оруулах ажлын хэсгийн бүрэлдэхүүнийг харахад ойлгомжтой л байна шүү. Дүрэм бол аль хэдийн боловсруулагдсан түүнийг батлах пялдагууд байгаа нь ойлгомжтой

Avatar

Зочин 2018-12-13 202.126.89.204

SUNDUI UDAHGUI GAVLAGDAD GANTS HUDAG YVNA HOM PLAZAGA NURGACHEE SHONJIN HOGJIM TAVIAD UNTULAHGUI BNA

Avatar

Үнэн 2018-12-13 202.9.45.108

Сандуй спортын салбарт 60 тэрбумын схемийг хэрэгжүүлж эхэлсэн гэж үнэн байна. Одоо Загдсүрэнгийн оронд схемийн дагуу авилгал өгсөн хүн дарга болох нь тодорхой.

Avatar

зочин 2018-12-13 103.26.192.43

Бас л улс төр ороод шахаж байгаа биз дээ. Хэн нь мөнгөөр зодож орож ирэх болоо….

Avatar

zochin 2018-12-13 122.201.23.226

ene Sundui bas uy be.yamar ichih nuurgui n**** be,huviinhaa ajilaa hiigeed yavj bval boloo shdee

Avatar

ө 2018-12-13 64.119.18.90

спортын, олон нийтийн байгууллагыг бас битгий улс төржүүлээд бай малаа

NewsMN Гар утасны хувилбар Татах
NEWS.mn

Мэдээллийн эх сурвалж