УБТЗ 2018 онд түүхэндээ байгаагүй их ачаа тээлээ | News.MN

УБТЗ 2018 онд түүхэндээ байгаагүй их ачаа тээлээ

УБТЗ 2018 онд түүхэндээ байгаагүй их ачаа тээлээ

УБТЗ 2018 онд түүхэндээ байгаагүй их ачаа тээлээ

УБТЗ-ын 2018 оны тээврийн төлөвлөгөөт үзүүлэлт давж биеллээ. Тус нийгэмлэг нь энэ жил 24,5 сая тонн ачаа тээвэрлэх зорилт дэвшүүлсэн юм. Оны эцэст энэ үзүүлэлт 25 сая гаруй тоннд хүрэх нь тодорхой болоод байна. Энэ нь өнгөрсөн жил тогтоосон түүхэн амжилтаа ахиулж байгаа хэрэг юм. УБТЗ өнгөрсөн жил 22,8 сая тонн ачаа тээвэрлэсэн нь тус нийгэмлэгийн түүхэнд байгаагүй амжилт байлаа.

2018 онд УБТЗ-ын тээврийн хэмжээ улам өсч, харилцагч нартаа төмөр замын тээврийн тасралтгүй, найдвартай үйлчилгээ үзүүлсэн нь бизнес эрхлэгч аж ахуйн нэгжүүдийн ашиг орлого, улсын татварын орлогыг нэмэгдүүлж, эдийн засгийн өсөлтийг хангахад чухал түлхэц боллоо. Төмөр замын тээврийн хэмжээ эрс өссөнөөс хөдлөх бүрэлдэхүүн тэр тусмаа ачааны вагон хүрэлцэхгүй дутагдаж байсан ч УБТЗ-ын удирдлагын баг, хамт олон тээвэр зохион байгуулалтын ажлыг оновчтой зөв зохион байгуулж чадсанаар харилцагч нарынхаа тээврийн захиалгыг биелүүлж, экспорт, импорт, орон нутгийн тээврийн ажлыг амжилттай гүйцэтгэлээ.

УБТЗ 2018 онд 25 сая гаруй тонн ачаа тээвэрлэж түүхэндээ байгаагүй амжилт гаргаснаар тус нийгэмлэг тээх нэвтрүүлэн өнгөрүүлэх хүчин чадлынхаа дээд цэгт тулж очив.  Энэ нь тус нийгэмлэгийн суурь бүтэц, хөдлөх бүрэлдэхүүний паркийг шинэчилж хөгжүүлэх зайлшгүй шаардлага тулгарсныг харуулж байна.

Эх сурвалж: “УБТЗ” ХНН

"Болор дуран"-аар шалгав.
Энэ мэдээнд өгөх таны сэтгэгдэл?
7
ГайхмаарГайхмаар
2
ЗөвЗөв
1
ХөөрхөнХөөрхөн
1
БурууБуруу
0
ХахаХаха
0
ХарамсалтайХарамсалтай
0
ТэнэглэлТэнэглэл
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж