"Гамшиг" гэдэг утгатай ханз Япон улсын 2018 оны бэлгэдэл болжээ | News.MN

"Гамшиг" гэдэг утгатай ханз Япон улсын 2018 оны бэлгэдэл болжээ

"Гамшиг" гэдэг утгатай ханз Япон улсын 2018 оны бэлгэдэл болжээ

"Гамшиг" гэдэг утгатай ханз Япон улсын 2018 оны бэлгэдэл болжээ

Япончууд оны эцсээр тухайн жилийн онцлогийг илэрхийлсэн ханз үсгийг тодруулж тэр оны бэлгэ тэмдгээр тодорхойлдог уламжлалтай. Ингэхдээ Японы ханз үсгийн холбооноос уралдаант санал асуулга зохион байгуулдаг байна. Энэ жилийн онцлох ханзаар “Гамшиг”-ийг илэрхийлсэн ханз тодорчээ.

Нийт 193 мянган хүн санал асуулгад оролцсоны 20 мянга гаруй нь “гамшиг” гэсэн ханзыг илгээсэн байжээ. 2018 он Япон улсад 200 хүний амийг авч одсон аймшигт үерээр эхэлж, Хоккайдо аралд хэд хэдэн газар хөдлөлт, цунами болсон учир шүүгчид ч санал нэгтэйгээр уг ханзыг сонгосон байна.  Мөн энэ зун Япон улсын түүхэн дэх хамгийн халуун зун болж 150 гаруй хүн их халалтын улмаас нас барж, 80 мянга гаруй хүн эмнэлгийн байгууллагад ханджээ.

2018 оны ханзыг Киото хотын Буддын шашны хамгийн алдартай сүм болох Киёомизүгийн лам 1,5х1,3 метрийн хэмжээтэй тусгай “ваши” цаасан дээр бичжээ. Уг ханзыг бичихдээ цагаан зүсмийн морины сүүлээр хийсэн 4,5 сантиметрийн голчтой бийр болон Нара мужид тусгайлан үйлдвэрлэсэн бэхээр бичсэн байна.

Өнгөрсөн 2017 онд Солонгосын Хойгийн байдал ширүүсч, Умард Солонгосоос хэд хэдэн пуужин харвасантай холбоотойгоор “умард зүг” гэсэн утгатай ханз оны бэлгэ тэмдэг болж байсан бол 2016 онд Рио Де Жанейрогийн Олимпын наадамд гаргасан Японы тамирчдын амжилтыг бэлгэдэн “алт” гэдэг утгатай ханз тухайн оны бэлгэ тэмдэг болж байжээ.

Эх сурвалж: www.afp.com

 

"Болор дуран"-аар шалгав.
Энэ мэдээнд өгөх таны сэтгэгдэл?
1
ХөөрхөнХөөрхөн
1
ГайхмаарГайхмаар
0
ЗөвЗөв
0
ХахаХаха
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-12-12 112.72.11.124

Манайхаар бол энэ жилийнх Бандааш юмуу ЖДҮ байх. 17 оных ОУВС. 16 оных Асем юмуу 60 тэрбум. 15 оных Дэнзэн.

Avatar

Зочин 2018-12-12 66.181.187.103

Оны бэлгэдэл ханз биш, мартаж болохгүй, бодож яв! гэсэн анхааруулга ханз….

NewsMN Гар утасны хувилбар Татах
NEWS.mn

Мэдээллийн эх сурвалж