АНУ-ын Калифорни мужийн Мэнло Парк хотод  байрладаг “Facebook” компанийн төв байранд тэсрэх бөмбөг суурилуулсан гэх мэдээллийн улмаас Мягмар гаригт түгшүүр зарлаж /2018.12.11/ компанийн ажилтнуудыг нүүлгэн шилжүүлжээ. Цагдаагийн байгууллагын мэдээлснээр, байгууламж дотор байсан бүх ажилтнуудыг нүүлгэн шилжүүлсэн бөгөөд тэсрэх бөмбөг гэж хэлэхээр ямар нэгэн сэжигтэй төхөөрөмж олдоогүй байна.

“Бид ажилчдын аюулгүй байдлыг хангах бүх арга хэмжээг авсан. Азаар хэн нэгэн гэмтэж бэртээгүй. Мэдээллийг тараасан этгээдийг олж илрүүлэхийн тулд орон нутгийн цагдаагийн байгууллагатай нягт холбоотой ажиллана” хэмээн “ тус компанийн хэвлэлийн төлөөлөгч мэдээлжээ.

Өмнө нь мөн тус хотод байдаг “Youtube” компанийн төв байранд түгшүүр зарлаж ажилчдыг нүүлгэн шилжүүлж байжээ. Учир нь зэвсэглэсэн эмэгтэй гал нээн гурван хүнийг шархдуулж, дараа нь өөрийгөө буудан хөнөөсөн юм.

Эх сурвалж:CNN