Авто тээврийн салбар бие даасан бодлогын баримт бичигтэй боллоо | News.MN

Авто тээврийн салбар бие даасан бодлогын баримт бичигтэй боллоо

Авто тээврийн салбар бие даасан бодлогын баримт бичигтэй боллоо

Авто тээврийн салбар бие даасан бодлогын баримт бичигтэй боллоо

2018 он Зам, тээврийн салбарт бодлогын чухал шийдвэр гаргасан жил байлаа.  Тэгвэл энэ удаад бид авто тээврийн салбарын онцлох ажлуудыг цувралаар танилцуулж байна.

Тээврийн салбар нь эдийн засаг, нийгмийн хөгжилд онцгой үүрэг гүйцэтгэж байна. Жилээс жилд өсөн нэмэгдэж буй тээвэрлэлтийн эрэлт хэрэгцээг хангах, автотээврийн салбарын хөгжлийн чиг хандлагыг тодорхойлох зорилгоор Зам, тээврийн хөгжлийн яамнаас “Төрөөс автотээврийн салбарт баримтлах бодлого”-ын баримт бичгийг боловсруулан Засгийн газрын 2018 оны 10 дугаар сарын 24-ний өдрийн хуралдаанаар хэлэлцэн, баталлаа. Ингэснээр автотээврийн салбар анх удаа бие даасан бодлогын баримт бичигтэй болж байна.

Олон удаагийн судалгаа шинжилгээ хийсний үндсэн дээр “Төрөөс автотээврийн салбарт баримтлах бодлого”-ын баримт бичгийг Хөгжлийн бодлого төлөвлөлтийн тухай хуульд нийцүүлэн 6 бүлэг, 57 заалттайгаар тусгажээ.

Бодлогын баримт бичгийн НАЙМАН зорилт:

  1. Автотээврийн салбарын эрх зүйн орчныг сайжруулах, бизнесийг дэмжих,
  2. Автотээврийн ажил үйлчилгээг нэгдсэн удирдлага, зохион байгуулалтаар хангах,
  3. Хүний нөөцийн болон тээврийн байгууллагуудын чадамжийг дээшлүүлэх,
  4. Тээврийн сүлжээ төлөвлөлтийг хот, тосгоны ерөнхий төлөвлөлтөд нийцүүлэх
  5. Аюулгүй, найдвартай, хосолсон, үр ашигтай, ая тухтай, байгаль орчинд ээлтэй тээврийн үйлчилгээг үзүүлэх,
  6. Автотээврийн дэд бүтэц, тээвэр логистикийн сүлжээг хувийн хэвшлийн оролцоотой барьж байгуулах,
  7. Дэвшилтэт техник технологийг нэвтрүүлэх,
  8. Судалгаа шинжилгээ, баталгаажуулалт, хяналтын тогтолцоог нэвтрүүлэх

Төрөөс автотээврийн салбарт баримтлах бодлогын баримт бичиг хэрэгжснээр автотээврийн салбарыг хөгжүүлэх, тээврийн бусад төрлүүдтэй уялдах, хослох боломж бүхий үндэсний тээврийн нэгдсэн сүлжээг бүрдүүлэх, үүгээр дамжуулан олон улсын болон бүс нутгийн тээврийн сүлжээнд нэгдэх боломж бүрдэнэ гэж үзэж байна.

ЗАМ, ТЭЭВРИЙН ХӨГЖЛИЙН ЯАМ

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж